Wednesday, September 27, 2006
علميني
حبيبتي اذا هممتي بسيف لكي تقتليني فحاذري ان تجرحي نفسك فتؤلميني . . . اشتقت اليك فعلمني ان لا اشتاق علمني كيف اقص جذور هواك من الاعماق علمني كيف تموت الدمعه في الأ حداق علمني كيف يموت الحب وتنتحر الا شواق
علميني
Friday, September 22, 2006
ونزلت دموع الأمرة
هذا البوست من المفروض ان ينزل بيوم 20/9/2006 بس تأخرت بسبب الضروف النترنت والضروف الثانية ...
اليوم هوة العشرين من الشهر التاسع واليوم ومااشد اليوم من احداث واحوال واخبار سمعتها من بعد الساعة الثانية عشر ليلا من ليلة امس الى اليوم ومن الصبح، مر اليومين كسلسلة من الاحداث المتضاربة شي على شي وبصعوبة جنت افوق من الحدث الاول علمود استعيد قوتي لسماع الخبر الثاني والثالث والرابع وماادري بعد شنو ممكن اسمع اخبار لان اليوم بعدة ماانتهى لحد هسة !! احداث اليوم او حدث اليوم الرئيسي اللي صار عندي واللي سمعتة من اقرب شخص الي جان خبر من المفروض ان تكون فرحة لغيري بس الي جان غير مفرح لان اني اناني .. اي اني اناني واملك هذي الصفة القبيحة جدا واكولها واكررها على نفسي بس انانيتي هذي تختلف عن شكلها ومعناها الحقيقي لان اني اناني بالحب فقط !! واللي يكون اناني بالحب يعني هذا شخص من صدك يحب واللي يحب لازم يكون مرتاح ويحب واللي يكون مرتاح لازم يكون فرحان واللي فرحان لازم يحس كلشي حلوة بعينة واللي كلشي حلو بعينة لازم يكون هوة نفسة فد شخص زين ومن يكون شخص زين هنا راح اتوقف لان هنا المشكلة بحد ذاتها لان من يكون شخص زين شكو صعوبات وعراقيل راح تكول اول العتبات اللي توكف كل اللي ذكرت مسبقا بحياتة .. بس بنفس الوقت اكو عراقيل ممكن ان تكون الها حلول واكو عراقيل ماالها حلول واكو عراقيل محيرة وماممكن ان نتخذ قرار تجاها اذا مانكون متاكدين من نفسنا ونكول لنفسنا الكل هاي انتة اشدتسوي !! او عفية عليك هوه هذا الشي الصحيح اللي سويتة ، زين اذا جان هذا الشي الصح اللي سويتة هوة صعب ان يوعد بي او صعب ان ينطي بي كلمة رغم هذا الشي موجود بالداخل بس وقتة ماحان بعد .. وقتة ماحان بعد لان رب العالمين يخلينا من نفكر بعقولنا يخلي الامور الحلوة تجي بالتدريج ومثل مانكول العافية درجات .. بس شنو رايي من يجي شخص تكون عندة العافية × 10 وتكون هذي العافية فرصة مو عافية يجوز مو بالضروري تكون فرصة لشخص اكثر مما تكون فرصة للاشخاص اللي مسؤولين على هذا الشخص !! هنا راح يصير تضارب بين الحلم الحقيقي اللي عاشة الشخص اللي يؤمن بان العافية درجات طبعا دااحس نفسي دااحشش بالكلام وكلامي مامترابط بس هذي الافكار اللي دتجي على بالي هسة وحدة بعد الثانية وبما انه اني اليوم مشوش البال وزين لحد الان بعد بيه النفس يصعد وينزل بس بعدة كلبي ينبض ب أربع حروف !! اليوم وضمن موقف او حدث او كارثة او مصيبة حلت علية بوقت مااعرف شنو اكدر اتصرف علمود احلها اني اعرف انه جزء من الحل بيدي بس احتاج الى ان اثبت نفسي وهذا الشي لازم احققة كشي ذاتي ان اثبت نفسي لاي احد وباي مكان بس حاليا اني الموقف اللي بي وقتة ماحان لكي اثبت نفسي كدام الشخص اللي احبة بجد ... ومااكدر انطي الوعد لان اني مااعرف شنو باجر راح اتغده او راح اتغدة اولا لان حياتنا عن جد صعبة واني حجيت مرة عن شكل حياتنا وشلون نكضيها والحمد لله المشكلة اني حبيت والمشكلة الاكبر جنت صادق وهذي صفة ماتنفع دائما لان مرات تكون سلبية بالوقت اللي الشخص مايكدر ان يحققها بهذا الوكت بس الحلو عشت وشفت وعرفت منو اللي ممكن ان اصدقها منه ويصدقها مني ... وتبادلنا مشاعر الصدق بصدق بس شلون يصير تمشي لامور مثل مانحب ومثل مانريد ومثل مااخطط الها اكيد اكو عراقيل ممكن ان نتحداها واكو عراقيل شلون اتحداها ... بقيت بحيرة وافكاري وكفت الى حد معين والبوست اريد اكتب بي بعد فد 100 سطر ومايكفي بس ... دااحس اللي كتبتة مو كلام وانما عبارة عن خربطة افكار يجوز في يوم وارجع على هذا البوست واكتبة مرة ثانية .. ويكون شكلة مختلف ..
اليوم هوة العشرين من الشهر التاسع واليوم ومااشد اليوم من احداث واحوال واخبار سمعتها من بعد الساعة الثانية عشر ليلا من ليلة امس الى اليوم ومن الصبح، مر اليومين كسلسلة من الاحداث المتضاربة شي على شي وبصعوبة جنت افوق من الحدث الاول علمود استعيد قوتي لسماع الخبر الثاني والثالث والرابع وماادري بعد شنو ممكن اسمع اخبار لان اليوم بعدة ماانتهى لحد هسة !! احداث اليوم او حدث اليوم الرئيسي اللي صار عندي واللي سمعتة من اقرب شخص الي جان خبر من المفروض ان تكون فرحة لغيري بس الي جان غير مفرح لان اني اناني .. اي اني اناني واملك هذي الصفة القبيحة جدا واكولها واكررها على نفسي بس انانيتي هذي تختلف عن شكلها ومعناها الحقيقي لان اني اناني بالحب فقط !! واللي يكون اناني بالحب يعني هذا شخص من صدك يحب واللي يحب لازم يكون مرتاح ويحب واللي يكون مرتاح لازم يكون فرحان واللي فرحان لازم يحس كلشي حلوة بعينة واللي كلشي حلو بعينة لازم يكون هوة نفسة فد شخص زين ومن يكون شخص زين هنا راح اتوقف لان هنا المشكلة بحد ذاتها لان من يكون شخص زين شكو صعوبات وعراقيل راح تكول اول العتبات اللي توكف كل اللي ذكرت مسبقا بحياتة .. بس بنفس الوقت اكو عراقيل ممكن ان تكون الها حلول واكو عراقيل ماالها حلول واكو عراقيل محيرة وماممكن ان نتخذ قرار تجاها اذا مانكون متاكدين من نفسنا ونكول لنفسنا الكل هاي انتة اشدتسوي !! او عفية عليك هوه هذا الشي الصحيح اللي سويتة ، زين اذا جان هذا الشي الصح اللي سويتة هوة صعب ان يوعد بي او صعب ان ينطي بي كلمة رغم هذا الشي موجود بالداخل بس وقتة ماحان بعد .. وقتة ماحان بعد لان رب العالمين يخلينا من نفكر بعقولنا يخلي الامور الحلوة تجي بالتدريج ومثل مانكول العافية درجات .. بس شنو رايي من يجي شخص تكون عندة العافية × 10 وتكون هذي العافية فرصة مو عافية يجوز مو بالضروري تكون فرصة لشخص اكثر مما تكون فرصة للاشخاص اللي مسؤولين على هذا الشخص !! هنا راح يصير تضارب بين الحلم الحقيقي اللي عاشة الشخص اللي يؤمن بان العافية درجات طبعا دااحس نفسي دااحشش بالكلام وكلامي مامترابط بس هذي الافكار اللي دتجي على بالي هسة وحدة بعد الثانية وبما انه اني اليوم مشوش البال وزين لحد الان بعد بيه النفس يصعد وينزل بس بعدة كلبي ينبض ب أربع حروف !! اليوم وضمن موقف او حدث او كارثة او مصيبة حلت علية بوقت مااعرف شنو اكدر اتصرف علمود احلها اني اعرف انه جزء من الحل بيدي بس احتاج الى ان اثبت نفسي وهذا الشي لازم احققة كشي ذاتي ان اثبت نفسي لاي احد وباي مكان بس حاليا اني الموقف اللي بي وقتة ماحان لكي اثبت نفسي كدام الشخص اللي احبة بجد ... ومااكدر انطي الوعد لان اني مااعرف شنو باجر راح اتغده او راح اتغدة اولا لان حياتنا عن جد صعبة واني حجيت مرة عن شكل حياتنا وشلون نكضيها والحمد لله المشكلة اني حبيت والمشكلة الاكبر جنت صادق وهذي صفة ماتنفع دائما لان مرات تكون سلبية بالوقت اللي الشخص مايكدر ان يحققها بهذا الوكت بس الحلو عشت وشفت وعرفت منو اللي ممكن ان اصدقها منه ويصدقها مني ... وتبادلنا مشاعر الصدق بصدق بس شلون يصير تمشي لامور مثل مانحب ومثل مانريد ومثل مااخطط الها اكيد اكو عراقيل ممكن ان نتحداها واكو عراقيل شلون اتحداها ... بقيت بحيرة وافكاري وكفت الى حد معين والبوست اريد اكتب بي بعد فد 100 سطر ومايكفي بس ... دااحس اللي كتبتة مو كلام وانما عبارة عن خربطة افكار يجوز في يوم وارجع على هذا البوست واكتبة مرة ثانية .. ويكون شكلة مختلف ..
!! حبيس أفكاري
هل من المعقول بأن اوصل مرحلة وما ألكي لنفسي حل ؟ يخيل الي انه اللي صار عندي يشبه سقوط بغداد قبل يوم جانت بغداد جنة وبليلة ويوم صارت جحيم .. حاليا أعيش في أيام مظلمة تخليني أقيس كل الأمور بالجانب السلبي منها وبس بديت أشوف الخير بجانبه السيئ بديت أحس الصفات الحلوة هي سيئة بالتطبيق بديت أشوف صدق المشاعر هوه عبارة عن ورقة تدفع ضريبتها لاحقا بديت أشوف نص كلاص المي على أنه نصف فارغ ! وبديت أحس مملكتي راح تحتل !! المن جنت أحجي وألمن جنت أكتب والمن جنت أبني هذا اللي سميتة جدار وتحديت بي كل شي في سبيل ماينخدش وهسة راح ينهد أو يتحطم ؟ وبعدها شنو راح يكون مكان أثري لو كومة حجر !! معقول يصير بهذا البناء اللي جنت كل ما اوصل بي الى مستوى معين جنت أخلي فد علامة تبين أحترامي وتقديري للي وصلت اله .. مجان مجرد جدار وبس وانما جان سور يحيط بالمملكة اللي بنيتها يوم بعد يوم أو اللي بنيناها يوم بعد يوم على أساس من الصدق والثقة ... حيييييل ينراد عمر ثاني يلله ممكن أجدد الثقة لشخص ثاني وماممكن أن تجدد بالشكل المتكامل نفسة ، ياربي حرت ومدا أعرف وين القرار الصح ؟ أصير يارب مضحي على حساب نفسي لو أعيش نفسي عل أمل لو أترك الموضوع وأكول فوضت أمري الك ! لو أتخذ خطوة مخطط الها بس وقتها مو مناسب لو أتخذها علمود أنقذ نفسي من الضياع بقية العمر وأنقذ الموقف كلة بس راح أكون وحدي بهذي الجولة من التحدي لان مازلت شخص مجهول ومن الصعب أن يثق الناس أو يقتنعون بية ... لان لازم أثبت وجودي ، وشلون أثبت وجودي بهذا الوقت الصعب وشلون ممكن أملي عيون الناس ياربي أريد أعرف كلمن حب لازم يمر بهيج موقف ياربي بعدها الكلمة دا أتذوق طعمها ليش تنزع مني يارب بعدي بأول حرف منها بعدني ب ألفها ماوصلت بعدني للحاء ولا الباء ولالكافها صرت أحس بيها مثل أحساس الواحد الأخرس مايكدر يكولها بس يكدر يعبر عليها بتصرفاتة ... أفكار وتتضارب عندي ساعة أحجي بالمشاعر وساعة أحجي بالجد وساعة أسكت وساعات أبجي .. أعرف بأن موقفي مقدر من الطرف الثاني بس اني أحب كلشي يكون بوكته من جانبي وماأحب أن أجبر على فعل شي أحبه وأريدة ..في الأمس جنت أسمع أغاني بايقاع رومانسي شفاف واليوم أسمع أغاني فراق وبعد وأحزان ... صبرني يا الله
Sunday, September 10, 2006
Happy Birthday BLOGG !!
كل عام وبلوكك بالف خير !!
طالما كنت اتودد على مواقع الانترنت المختلفة ومنذ مدة طويلة جدا قاربت ال 6 سنوات او اكثر وقد تصفحت انواع المواقع وفي كل فترة كنت التردد على موقع معين يجذبني فيه شي وحسب الفترة التي افكر فيها او الموضوع اللي يشغل حديث الناس او يشغلني ... ففي فترة الذي بدا فية العراق باستخدام الساتلايت كنت اتودد على مواقع التي تحتوي على انظمة الستالايت وكيفية النصب وتحديثات والبرامج وغيرها وفي فترة ثانية وعند بدء استخدامنا للموبايل كذلك كنت اتودد على مواقع الموبايل والنغمات والبرامج الخاصة والملحقة وغيرها هذا من دون الايام التي كنت اقضيها على مواقع الاغاني وقراءة الاخبار وتصفح البريد او الدردشة ...
اكثر من 7 سنوات ولم اصادف موقع جذبني الى حد كبير مثلما جذبت في هذه السنة الاخيرة كان الموقع هو عن مدونة مثل مانسميها بالعربي وبلوك بالانكليزية تزامن معرفتي بعالم المدونات عندما تعرفت الى شخص هوة صاحب المدونة والذي لم يجذبني فقط لمدونتة بل جذبني الى عالمه الرائع والراقي جدا من خلال احداث حياتة ومن خلال طرحه للمواضيع والتفاعل مع الاحداث .. فبدات تمثل لي هذه المدونة الصفحة الرئيسية التي من الزاجب ان امر عليها قبل معرفة بريدي الوارد فكنت اجعلها بداية يومي وخاصة عندما اقرا بها موضوع ليس جديد فقط وانما متميز جدا باسلوبة ونقاشه واهم شي بتغيير المواضيع المفاجئ !! وكانت سمة حلوة وطيبة من صاحب البلوك (المدونة)
راح احول واحجي بالعراقي ... بابسط الاوقات جنت من يصير وقت فراغ على النت ابدي اقرا المواضيع مرة ثانية او ابدي اقرا مواضيع ماجنت موجود في بوكتها لمن انكتبت جانت مواضيع مميزة واحداث حلوة تمنيت في بعضها ان اكون موجود او ان اكون البطل وفي بعض الاوقات جنت اشوف بيها مواقف هيه احلى واجمل من تكون بشكلها اللي انوصف ... اتصور هذا البوست اللي اكتبه هسه راح يكون شي غريب بان شخص يهني مدونة وصاحبتها بمرور عام كامل عليها جانت بالفعل تحمل مواضيع واحداث حلوة ومميزة تشاركت ابعضها والحمد لله وتشاركنا ابعضها الاخر طبعا المدونة اللي هسة اكتب عليها هية اللي خلت عندي الواهس بان اسوي مدونة لنفسي وماجان ابالي ان اكتب بيها موضوع واحد بس جان همي الوحيد بان اكدر اعلق على المدونة اللي حبيتها فجان اول تعليق الي عليها وكانت مفاجاة حلوة حسب ماعرفت .. ب بعدها وبشكل لامحسوس بديت اكتب احداث ومواضيع تعبر عن ايام وفترات واحاسيس .. جانت كلها تدور ابالي بس ماكو مكان لتدوينها او للافصاح عنها .. ف نولدت الي مدونة جديدة وبديت بيها مشوار بس بطئ سبب البطئ اللي عندي بالكتابة هوه وقتي غير الكافي لنفسي بس جنت احاول وبشتى الطرق بان اوصل الفكرة واكتب الموضوع واعبر عن راي واكول الصراحة والحقيقة اللي دائما اذكرها وبكل بوست ...
طولت بالكلام واني اهم ماحبيت اكول وابين بهذا البوست هوه :
كل عام ومدونتك وأفكارك بالف خير ... طالما كانت مدونتك رفيقتي بايام وليالي كانت مرات تضحكني ومرات تسهرني ونادرا ماتبكيني ... اتمنالك النجاح الدائم ياصاحبة المدونة نجاح يفوق شكل النجاح المعروف نجاح مميز كتميز مدونتك وتميز شخصيتك ... اليوم وقد مر عام كامل على مدونتك وان شاء الله مدونة العمر كلة ...
طالما كنت اتودد على مواقع الانترنت المختلفة ومنذ مدة طويلة جدا قاربت ال 6 سنوات او اكثر وقد تصفحت انواع المواقع وفي كل فترة كنت التردد على موقع معين يجذبني فيه شي وحسب الفترة التي افكر فيها او الموضوع اللي يشغل حديث الناس او يشغلني ... ففي فترة الذي بدا فية العراق باستخدام الساتلايت كنت اتودد على مواقع التي تحتوي على انظمة الستالايت وكيفية النصب وتحديثات والبرامج وغيرها وفي فترة ثانية وعند بدء استخدامنا للموبايل كذلك كنت اتودد على مواقع الموبايل والنغمات والبرامج الخاصة والملحقة وغيرها هذا من دون الايام التي كنت اقضيها على مواقع الاغاني وقراءة الاخبار وتصفح البريد او الدردشة ...
اكثر من 7 سنوات ولم اصادف موقع جذبني الى حد كبير مثلما جذبت في هذه السنة الاخيرة كان الموقع هو عن مدونة مثل مانسميها بالعربي وبلوك بالانكليزية تزامن معرفتي بعالم المدونات عندما تعرفت الى شخص هوة صاحب المدونة والذي لم يجذبني فقط لمدونتة بل جذبني الى عالمه الرائع والراقي جدا من خلال احداث حياتة ومن خلال طرحه للمواضيع والتفاعل مع الاحداث .. فبدات تمثل لي هذه المدونة الصفحة الرئيسية التي من الزاجب ان امر عليها قبل معرفة بريدي الوارد فكنت اجعلها بداية يومي وخاصة عندما اقرا بها موضوع ليس جديد فقط وانما متميز جدا باسلوبة ونقاشه واهم شي بتغيير المواضيع المفاجئ !! وكانت سمة حلوة وطيبة من صاحب البلوك (المدونة)
راح احول واحجي بالعراقي ... بابسط الاوقات جنت من يصير وقت فراغ على النت ابدي اقرا المواضيع مرة ثانية او ابدي اقرا مواضيع ماجنت موجود في بوكتها لمن انكتبت جانت مواضيع مميزة واحداث حلوة تمنيت في بعضها ان اكون موجود او ان اكون البطل وفي بعض الاوقات جنت اشوف بيها مواقف هيه احلى واجمل من تكون بشكلها اللي انوصف ... اتصور هذا البوست اللي اكتبه هسه راح يكون شي غريب بان شخص يهني مدونة وصاحبتها بمرور عام كامل عليها جانت بالفعل تحمل مواضيع واحداث حلوة ومميزة تشاركت ابعضها والحمد لله وتشاركنا ابعضها الاخر طبعا المدونة اللي هسة اكتب عليها هية اللي خلت عندي الواهس بان اسوي مدونة لنفسي وماجان ابالي ان اكتب بيها موضوع واحد بس جان همي الوحيد بان اكدر اعلق على المدونة اللي حبيتها فجان اول تعليق الي عليها وكانت مفاجاة حلوة حسب ماعرفت .. ب بعدها وبشكل لامحسوس بديت اكتب احداث ومواضيع تعبر عن ايام وفترات واحاسيس .. جانت كلها تدور ابالي بس ماكو مكان لتدوينها او للافصاح عنها .. ف نولدت الي مدونة جديدة وبديت بيها مشوار بس بطئ سبب البطئ اللي عندي بالكتابة هوه وقتي غير الكافي لنفسي بس جنت احاول وبشتى الطرق بان اوصل الفكرة واكتب الموضوع واعبر عن راي واكول الصراحة والحقيقة اللي دائما اذكرها وبكل بوست ...
طولت بالكلام واني اهم ماحبيت اكول وابين بهذا البوست هوه :
كل عام ومدونتك وأفكارك بالف خير ... طالما كانت مدونتك رفيقتي بايام وليالي كانت مرات تضحكني ومرات تسهرني ونادرا ماتبكيني ... اتمنالك النجاح الدائم ياصاحبة المدونة نجاح يفوق شكل النجاح المعروف نجاح مميز كتميز مدونتك وتميز شخصيتك ... اليوم وقد مر عام كامل على مدونتك وان شاء الله مدونة العمر كلة ...
