Friday, June 09, 2006

 

عتب على الأنترنت


...التغيير في المواضيع مفروض علينا بس واقع الحال اللذي يفرض علينا ان تكون مواضيعنا تميل الى الجدية دوما والى الحزن في بعض الاحيان ... لكوننا اناس نحب التغيير والتجديد وهذا التجديد الذي ياتي من مشاركة الغير لافراحنا واحزانانا فها هنا احب ان اكتب عن موضوع او هوة شعر من شخص يعاتب شخص ثاني على الانترنت والقطيعة ... ابعدنا الله واياكم من شر القطيعة بين الاصحاب والاحباب .. خلي نغير المود اليوم .. ونقرا هذا العتب على الانترنت



أفتح الأيميل أجيكه باليوم الف مرة
أنتظر رساله منك ، بيهه أخبارك الحلوة أو المرة

دزلنة نكتة أو سالوفة لا تكطع فرد مرة

أذا صمت عن دز الرسايل ترة الصايم يفطر بعد فترة

يا ناس أسمعوا ، شيرد أدزله ، آنه تحت أمره

فدوة سوي ريبلاي مو ساف الكلب و خلص صبره

لا تكلي وكت ماكو ، جملتين أكتب ، هذا الآنه منتظره

دزلي رساله فارغة ، ما يخالف ، كل الكلام أختصره

ما أدري شكلك بعد ، ما أكدر أحجي ، تره لزمتني عبره

كمت أقره أي شي ، حتى أيميلات الارشيف صرت أقره

شكتبلك بعد كلي ، حتى القلم خلص حبره

بعدك تقره هال الأبيات ، أشو عندك وكت تقره

دزلي لعد بابا لا تموتني بالحصره

أدور و أنتظر ، سمعني أخبارك الحلوة أو المرة

Comments:
عتب عالانترنيت...ويكولون العراقيين ما عدهم فيكات حلوة...اصلا احلى ما بيه انو اللهجة عراقية وبموقع عراقي والي كاتبه عراقي..احم احم..اقصد لايون كنك..
ان شاء الله ماكو عتب لا عالنت ولا مباشرة..
 
تدرين احبج واحب كلامج وآني مرتاحه تدرين ليش لأن بالدنيا في ناس مثلج قلبهم كبير ياريت اصير مثلج والله يخليج وتعطين أكثر ويوفقج وين ماتروحين ان شاء الله .
 
Post a Comment



<< Home

This page is powered by Blogger. Isn't yours?