Wednesday, December 10, 2008
LionKing's Back ...
السلام عليكم ...
كل عام وانتم بالف خير .. وعيد سعيد ان شاء االله على الجميع ...
يارب ينعاد عليكم بالخير والبركة والراحة والفرح والسلامة
استوقفت نفسي لدقائق قبل الدخول الى موقع المدونة .. ليس من الخوف من شي او الملل او الروتين ... فانا احب دائما ان اطلع على المدونات المتميزة وخصوصا الاشخاص اللي يتركون تعليقاتهم على مدونتي ...
!!!! توقفت دقائق قبل الدخول الى المدونة .. لانني نسيت اسم المستخدم وكلمة المرور الخاصة بي ...
للاسف انها الحياة والانشغال بيها يجعل منا نسيان بعض من الاشياء المهمة في حياتنا ....
انا متشوق جدا للدخول الى المدونة وقراءة كتابات الاصدقاء ...
مر وقت طويل وانا لم اكتب شي .. ليش لعدم وجود افكار ولكن بقيت في حيرة من موقف المدونة هل هية مكان لكتابة مذكراتي .. ام لكتابة افكاري ومشاركتها مع هذا الطيف الرائع من الطبقة الرائعة من الناس المتواجدين في عالم المدونة ...
استعدت قراءة مواضيعي السابقة وبعض مواضيع الاصدقاء واستوقفتني تعليقات الاصدقاء وتعليقات زوجتي .. كلها كانت وماتزال رائعة .. قد حفرت واخذت لها شوطا ومكانا ليش في ذاكرتي فقط وانما في هذه المدونة المتواضعة .. اللي طالما تمنيت ان ارتقي بيها واطورها واكتب بيها دائما .. بس الانشغال وااااخ من الانشغال ..
طبعا يعرف الاصدقاء انه اني خطبت .. بالضبط قبل سنة وتحدد موعد لتتتمية بناء العش الزوجي ولكن المشكلة بالوقت الحالي السكن لان مدا الكي مكان او سعر مناسب للايجار .. وخال هذا الشي على رب العالمين ومعتمد بي علية وعلى نفسي واصدقائي اللي يساعدوني بالبحث عن بيت او شقة او مشتمل صغير ابدا بي حياتي .. وتجارب الحياة بشوط جديد مميز بوجود انسانة رائعة مثل ميشو ...
طالما كانت هذي المدونة طريق غير مباشر افصح بي عن احاسيسي وافكاري وخصوصا لزوجتي ... لان اني اساسا هية اللي كونت عندي الرغبة بالمدونات وان اكون مدونة يتسنى لي من خلالها ان اعلق على المواضيع اللي كانت تكتب عنها ...
ان شاء الله احاول بالايام الجاية ولو الايام الجاية هية اكثر انشغال من كل الفترات اللي سبقت .. بس ان شاء الله ارجع للتواصل وية المدونات وية كل الاخوة والاخوات والاصدقاء ...
خلوني اعرف اخباركم بالتعليق وتحياتي للكل
Tuesday, January 29, 2008
مكملات لحياتنا ؟؟
... سؤال نسمع بي دائما .. انتة شنو مخلص كلية .. او انتة خريج شنو .. او شنو اللي واصل اله في حياتك .. انجازاتك .. افعالك .. اعمالك .. افكارك .. طموحاتك ..؟؟
كلها اسئلة مرات نلكي الها جواب من نكون واصلين لهذي المراحل .. وروعة الاحساس بالاجابة عنها يكون من نعرف بنفسنا وصلنا وحققنا جزء منها وبدينا بالمرحلة اللي نتفاخر بيها للي سألنا ..
كل هذي الاجوبة وماحققنا هية ضمن مراحل حياتنا ومكملات الها .. دائما نطمح ان نكمل حياتنا بشهادة او عمل او طموح شخصي .. ولكل مرحلة من حياة الانسان نحب ان ننطيها حقها ومانحس بانه ضيعناها وفاتت علينا .. اني ممكن كاتب عن هذا الموضوع مسبقا بالطرق لتحقيقة وتنفيذ هذي الاشياء او الى أي مرحلة واصل بيها .. بس احب كلما ارتقي بسلم الحياة والنجاح ان اكتب وافصح عنها .. لان التحدث بالنعمة هية طريقة من طرق الحمد والشكر ..
ارجع على الامور اللي تكمل حياتنا واللي نحس بيها بوقتها واحنه فاقديها ..
فراغات موجودة بحياتنا نحتاج ان نمليها بنفسنا او نستعين باحد لفترة او لطول العمر ان يمليها النا .. ممكن ان يكونون اشخاص او اشياء معنوية او مادية ملموسة تملي علينا كل هذي الفراغات ..
احساس فقدان الشي صعب وهوة مختلف عن احساس الحاجة الى هذي الاشياء احب ان اسميها حاجة اكثر من فقدان لان فممكن ان نكون فاقدين شخص من الصعب جدا ان نعوض باحد مشابه اله بس ممكن بمرور الوقت يجي شخص يعوضنا هذا الفقدان شكل ثاني يخفف علينا احساسنا بالاول.
او قد نكون في يوم من الايام مسلمين انفسنا ومودعين ثقتنا لـ أشخاص مايكونون اهل الها بعدها يجي احد اللي يمد ايدة النا ويغير علينا حالنا ..
ممكن تكون اشياء معنوية مثل الاحاسيس اللي نحتاجها واللي نحب ان نسمعها وان تتكرر علينا ومانحس منها بملل بالطريقة اللي ننمنح الها بالشكل المتجدد.
او قد تكون اشياء مادية ملموسة .. سواء كانت حاجات او اشخاص .. نحتاج ان تكون موجودة في مكان في حياتنا علمود تكمل ديكور حياتنا باروع شكل.
احب ان امثلها مثل ركن غرفة خالي من أي تحفية او ديكور يغير هذا الجزء الخالي منها ومن نبدي بالتفكير بتغيير هذا الركن نفكر باحتياج شي يملي هذا الجزء الشاغر ..
طبعا الاحتياجات اللي ممكن ان اذكرها بهذا الشكل هواية وخاصة اذا كانت تخص الانسان بحد ذاتة .. وطالما الانسان هوة اللي يواجه حياتة بنفسة واللي تعرضة حياتة لتجاربها وفرحها وقسوتها ف تضل هذي الاحتياجات متجددة بالشكل اللي يرضي انفسنا من الداخل.
الحب .. مثل مناسب لهذا الحديث . احتياجنا للحب هذا الشعور اللي يغير حياتنا كلة واللي يشوفنا الاسود ابيض ويخلي المزاج هوة اللي يختار ويشوف بس الاشياء الحلوة .. هذا الاحساس نحتاجة بشتى الطرق من صديق ومن اهل ومن حبيبة ومن زوجة .. كل واحد من اللي ذكرتهم يمنحة النا بالشكل اللي يرضينا واللي نحتاجة ..
احنا دائما في حاجة مستمرة لوجود اشياء تملي مفردات حياتنا .. ممكن تكون ببساطتها الها جزء من اكتمال الشي اللي نحتاجه واللي نتطلع اله ..
اتذكر في مرة من المرات كتبت عن موضوع معين باحد البوستات وجنت متحسر على وجود شي ناقص في حياتي واريدة يتمكل برغم شكلة البسيط بس يحمل من الروعة والجمال شعور ماينوصف باروع وارق كلمات الفلسفة والثقافة .. جان شكل هذا الشي هوة دائرة .. دائرة جانت تحتاج ان تشغل فد مكان بينا هذا الدائرة من تكون بمكانها الصحيح والمناسب راح تعود علينا بشعور غاية بالروعة كلما اخطفت النظر عليها .. اتصور كلامي واضح بهذا الشي حاليا وشنو اللي اقصدة وخاصة بعد البوست اللي سبق هذا ....
هذي هية حاجتنا للاشياء ممكن تكتمل باشايء مادية ومعنوية بسيطة ..
مرات أحس بنفسي اريد احد يمي يشغل هذا الفراغ مابين ايدي ... يضطرني الوقت مرات حتى لو ان احضن المخدة !! اريد اشغل هذا الفراغ المادي والمعنوي ولو ماراح يكون شعور متبادل بالمرة هذي !! بس ذكرتها على سبيل الضحك والمثل !!
اني احب من كل من يحتاج ان يملي حياتة بهذي الاشياء ان يفكر بيها وان مايسمح للوقت ان يمنعة من تحقيقها .. اني من زمان واحب دائما ان املي الفراغ اللي احس بي بهذي الاشياء الي ذكرتها واكثر واكثر لان طالما الانسان يحب ان يرضي نفسة ويريحها ...
حالوا انتو هم ان تملون هذي الفراغات اللي تحتاج لوجود شي يمثلها ويمليها لبقية عمرنا ..
ف خلو من دائرة بسيطة باحد اصابع ايديكم تكمل جزء من حياتكم ..
وخلو الكرسي الفارغ اللي بجانبكم ان يكون شاغلة صديق جديد او حبيب الكم
وخلو الرف والزاوية وجدار غرفكم بشي يشغلها
ولاتنسون ان تخلون
كلها اسئلة مرات نلكي الها جواب من نكون واصلين لهذي المراحل .. وروعة الاحساس بالاجابة عنها يكون من نعرف بنفسنا وصلنا وحققنا جزء منها وبدينا بالمرحلة اللي نتفاخر بيها للي سألنا ..
كل هذي الاجوبة وماحققنا هية ضمن مراحل حياتنا ومكملات الها .. دائما نطمح ان نكمل حياتنا بشهادة او عمل او طموح شخصي .. ولكل مرحلة من حياة الانسان نحب ان ننطيها حقها ومانحس بانه ضيعناها وفاتت علينا .. اني ممكن كاتب عن هذا الموضوع مسبقا بالطرق لتحقيقة وتنفيذ هذي الاشياء او الى أي مرحلة واصل بيها .. بس احب كلما ارتقي بسلم الحياة والنجاح ان اكتب وافصح عنها .. لان التحدث بالنعمة هية طريقة من طرق الحمد والشكر ..
ارجع على الامور اللي تكمل حياتنا واللي نحس بيها بوقتها واحنه فاقديها ..
فراغات موجودة بحياتنا نحتاج ان نمليها بنفسنا او نستعين باحد لفترة او لطول العمر ان يمليها النا .. ممكن ان يكونون اشخاص او اشياء معنوية او مادية ملموسة تملي علينا كل هذي الفراغات ..
احساس فقدان الشي صعب وهوة مختلف عن احساس الحاجة الى هذي الاشياء احب ان اسميها حاجة اكثر من فقدان لان فممكن ان نكون فاقدين شخص من الصعب جدا ان نعوض باحد مشابه اله بس ممكن بمرور الوقت يجي شخص يعوضنا هذا الفقدان شكل ثاني يخفف علينا احساسنا بالاول.
او قد نكون في يوم من الايام مسلمين انفسنا ومودعين ثقتنا لـ أشخاص مايكونون اهل الها بعدها يجي احد اللي يمد ايدة النا ويغير علينا حالنا ..
ممكن تكون اشياء معنوية مثل الاحاسيس اللي نحتاجها واللي نحب ان نسمعها وان تتكرر علينا ومانحس منها بملل بالطريقة اللي ننمنح الها بالشكل المتجدد.
او قد تكون اشياء مادية ملموسة .. سواء كانت حاجات او اشخاص .. نحتاج ان تكون موجودة في مكان في حياتنا علمود تكمل ديكور حياتنا باروع شكل.
احب ان امثلها مثل ركن غرفة خالي من أي تحفية او ديكور يغير هذا الجزء الخالي منها ومن نبدي بالتفكير بتغيير هذا الركن نفكر باحتياج شي يملي هذا الجزء الشاغر ..
طبعا الاحتياجات اللي ممكن ان اذكرها بهذا الشكل هواية وخاصة اذا كانت تخص الانسان بحد ذاتة .. وطالما الانسان هوة اللي يواجه حياتة بنفسة واللي تعرضة حياتة لتجاربها وفرحها وقسوتها ف تضل هذي الاحتياجات متجددة بالشكل اللي يرضي انفسنا من الداخل.
الحب .. مثل مناسب لهذا الحديث . احتياجنا للحب هذا الشعور اللي يغير حياتنا كلة واللي يشوفنا الاسود ابيض ويخلي المزاج هوة اللي يختار ويشوف بس الاشياء الحلوة .. هذا الاحساس نحتاجة بشتى الطرق من صديق ومن اهل ومن حبيبة ومن زوجة .. كل واحد من اللي ذكرتهم يمنحة النا بالشكل اللي يرضينا واللي نحتاجة ..
احنا دائما في حاجة مستمرة لوجود اشياء تملي مفردات حياتنا .. ممكن تكون ببساطتها الها جزء من اكتمال الشي اللي نحتاجه واللي نتطلع اله ..
اتذكر في مرة من المرات كتبت عن موضوع معين باحد البوستات وجنت متحسر على وجود شي ناقص في حياتي واريدة يتمكل برغم شكلة البسيط بس يحمل من الروعة والجمال شعور ماينوصف باروع وارق كلمات الفلسفة والثقافة .. جان شكل هذا الشي هوة دائرة .. دائرة جانت تحتاج ان تشغل فد مكان بينا هذا الدائرة من تكون بمكانها الصحيح والمناسب راح تعود علينا بشعور غاية بالروعة كلما اخطفت النظر عليها .. اتصور كلامي واضح بهذا الشي حاليا وشنو اللي اقصدة وخاصة بعد البوست اللي سبق هذا ....
هذي هية حاجتنا للاشياء ممكن تكتمل باشايء مادية ومعنوية بسيطة ..
مرات أحس بنفسي اريد احد يمي يشغل هذا الفراغ مابين ايدي ... يضطرني الوقت مرات حتى لو ان احضن المخدة !! اريد اشغل هذا الفراغ المادي والمعنوي ولو ماراح يكون شعور متبادل بالمرة هذي !! بس ذكرتها على سبيل الضحك والمثل !!
اني احب من كل من يحتاج ان يملي حياتة بهذي الاشياء ان يفكر بيها وان مايسمح للوقت ان يمنعة من تحقيقها .. اني من زمان واحب دائما ان املي الفراغ اللي احس بي بهذي الاشياء الي ذكرتها واكثر واكثر لان طالما الانسان يحب ان يرضي نفسة ويريحها ...
حالوا انتو هم ان تملون هذي الفراغات اللي تحتاج لوجود شي يمثلها ويمليها لبقية عمرنا ..
ف خلو من دائرة بسيطة باحد اصابع ايديكم تكمل جزء من حياتكم ..
وخلو الكرسي الفارغ اللي بجانبكم ان يكون شاغلة صديق جديد او حبيب الكم
وخلو الرف والزاوية وجدار غرفكم بشي يشغلها
ولاتنسون ان تخلون
lionKing
!! على بالكم بس مو شرط يشغلكم
Tuesday, January 15, 2008
ــيك MICHO انا ليـ
30\12\2007
نقول ايه خلاص انا وانتا حبيبى مفيش حاجة نقولها
واصلين لدرجة حب محدش في الدنيا وصلها
انا ليك وعمرى مكون ياحبيبىغير ليك روحى شاغلها
دى الثانية وانتا بعيد ازاى قلبى هيستحملها
ياحبيبى اوصف فرحتى بيك ازاى صعب عليا
اكتر ياقلبى مبحلم بئى ملكى بئى فى ايديا
انا ليك وعمرى مكون ياحبيبى غير ليك روحى شاغلها
دى الثانية وانتا بعيد ازاى قلبى هيستحملها
Thursday, June 21, 2007
لم أنت حزين ؟؟
لم انت حزين؟؟؟ ..
ألاني سأرحل؟أيها المجنون ..
أظننت أني برحيلي سأنساك؟ ..
ألا تعلم بأني قد حفرت أسمك على أضلعي ... ونقشته على جبيني ..
ألا تعلم أني أحملك في كل حقائب سفري ... وبين ملابسي .. وداخل كل قارورة عطر ..
وأتجه بعد كل محطة أجتازها إليك ..
أنت وجهتي ..
وقلبك خريظة سفري ..
والرحيل ..
ان كان .. يكون .. منك إليك ..
الرحيل .. الرحيل ... لن يجعلني أنساك يوماً ..
فأنا أحملك معي دائماً ... لن تفرقنا المسافه ... فهي لم تجمعنا يوماً لتفرقنا ..
وإن تعب هذا الجسد .... فسيلفظ بآخر أنفاسه .. أسمك ..
فأنا منذ عرفتك .... أصبحت بعضك ..
ولم أعد أنا أتحزن لانى راحلة؟؟ ..
لا تحزن .... وأبتسم ..
فأنا راحلة منك إليك ..
أنشدك .. أنشد دفئك وحنانك ... وكل تلك العواطف المجنونه التى تحملها ..
أنشد ابتسامة .. ترسمها أنت ..
أنشد أحضانك .. أن تضمني .. بقوة ... لأنسى ... أن للوجود مكان ... وللوجود زمان ..
وأتذكر .. أن الدنيا .. فقط. .. حضور ورحيل ..
وأن في عينيك يكتب حضوري ورحيلي ..
والآن ... أعذرني..فأنا أريد أن أخبر العالم اجمعه بأنني ... أحبك ..
وسأبقى أحبك ... ولن أرحل عن حبك ..
سطور وكلمات .. ومشاعر وحنين .. كتبت مشاعرها وكأنني أخذت مكان غيري بالتعبير
كلمات من قريتها ومن اول مرة حسيت اكو شخص يسطرها الي ويكولها الي
لكن مشاعري تجاه هذا الفراق الوقتي أثره أقوى من اي كلام
ولكن ساسصبر نفسي بكل ذكرى وبكل وقت مر علي
أحبك وللابد
كلمات من قريتها ومن اول مرة حسيت اكو شخص يسطرها الي ويكولها الي
لكن مشاعري تجاه هذا الفراق الوقتي أثره أقوى من اي كلام
ولكن ساسصبر نفسي بكل ذكرى وبكل وقت مر علي
أحبك وللابد
Wednesday, June 20, 2007
What's The Next !!
أريد ابدي كتابة الموضوع بس البداية منين ...
أريد ابدي بهذا الموضوع اللي أحب بي اسال أي واحد ممكن يقرا البلوك مالتي ، اريد اكلة شنو التالي يعني اللي اقصدة شنو اللي بعد اللي انتة بي حاليا ، اذا جنت تدرس شنو التالي واذا جنت من اصحاب الاعمال ف شنو التالي ، واذا راح تتخرج ف شنو التالي ، واذا راح تقبل على حياة جديدة ف شنو التالي .. اكيد محد يكدر ان يقرر شنو بعد الوضع اللي هوة بي لان اكو ضروف واحداث هية اللي تتحكم بينا مرات بس دائما احنا نحب ان نغير دفة الامور الى صالحنا والى الشي اللي نريدة بعد اللي احنا بي ..
اهم شي من تجي الفكرة هذي على الشخص بانه شنو التالي لايفكر انه ضيع وقتة بالمرحلة اللي هوة بيها الا اذا بالفعل ضيع وقت وماحقق شي ..
مرات من تمر علية فترة من فترات عمري وخاصة من اتخرج من مرحلة حيايتة اذا جانت عملية او دراسية يراودني هذا الشعور انه اني ضيعت وقت تالي ابدي احسب باصابع ايدي شنو الاشياء اللي ممكن اعتبر نفسي استفاديت منها طول الوقت اشوفها اكثر مما اتصور وابدي احتاج الى احد يحسب وياية ..
تحقيق الاشياء او انقضاء الوقت بتحقيقها تكسب الواحد فد خبرة حلوة تساعدة بان يعيش بيها للخبرة هذا بحياتة او يمررها للجيل اللي راح يربي .. يعني تبدي هذي الفترة من بداية دخول الجامعة وتبدي نمط جديد من الحياة ..
راح احجي عن نفسي (ولا افتخار) علمود اريد اسمع منكم
فترة الكلية جانت الي بدايتها ممتعة كلش وخاصة اني جنت اداوم مسائي يعني الجو بالليل والجو الدراسي جان خرافي الاجواء والجو وراحة البال بالاضافة الى الاصدقاء اللي تكون نفسياتهم مفتوحة للتعارف ... مرت اول سنتين باروع صورة من الامان والراحة ومرت سنتين جانت متعبة وكئيبة لان دخنا بفترة الاحتلال وللساعة اللي اكتب بيها بعدنا محتلين !! صار جو الكلية مشحون والوقت كصير ووقت الدوام بالاضافة الى كل الاشياء اللي نعرفها ونسمعها بالوقت الحالي .. طول ايام الكلية اللي جانت بما بيها حسيت بعد التخرج اني ضاع وقتي بيها لان صار الوضع غير الوضع اللي جان ومستوى الدراسة اخذ بالانحدار الوقت اللي صار ينكضي صار الوقت اللي يمر بالكلية مجرد التقاء وية الاصدقاء وتبادل الاحداث بدا يسود علية هذا الاحساس بكوني ضيعت وقتي بس جانت الضورف هية اللي خلتني احس اني ضيعت وقتي رجعت لنفسي وبديت احسب شنو اللي استفاديت منة طول الفترة هذي .. اكتشفت بالدرجة الاساس انه بنيت قاعدة اساس من العلاقات والصداقات اللي متواصل بيها لحد الان وعرفت انه وقت الاصدقاء اللي تعرفت عليهم ماجان مقتصر على الكلية وبس بل تعداها وصارت العلاقات اشبه بالعلاقات العائلية .. مرات نغفل عن حساب هذي الامور لان نتصورها طبيعية وتجي كلما تقدمنا بالعمر وتعتمد على طبيعتنا الاجتماعية رصيد الاصدقاء رصيد ماينفذ مهما طالي بي الزمن ومهما تغيرت الضروف .. طبعا كلامي بغض النظر عن الاستفادة بالقسم الدراسي اللي جنت بي لان اني قاصد الدراسة والتعلم .. اجيت على اشياء ثانية تعرفي على اشخاص بميادين مختلفة بالحياة كبرت من مفهومي للحياة وتوسعت خبرتي بيها .. مااتصور راح اكول عنك ياكليتي انه ضيعت وقتي بيك
باول سنتين من الكلية .. وتحديدا بالسنة الثانية بدت رحلتي الحقيقة بالدخول الى الحياة العملية .. جنت اشتغل بمطبعة مجانت مطبعة ولامكان عمل اعتيادي .. طبعا اني على طول اللي يهمني اولا ان اكون صديق للكل تالي ابدي اشتغل بمجال العمل .. جانت المطبعة الي بيت ثاني والناس اللي اشتغلت وياهم جانو الي عائلة ماتصورت في يوم راح اتخلى عن هذا المكان بس شاءت الاقدار وبسبب ضروف الوقت الحالي انسدت المطبعة للاسف !! اشتغلت بالمطبعة ل 5 سنوات او اكثر جانت الفترة تتخللها 3 سنوات من الكلية .. راودتي نفس الفكرة بكوني ضيعت وقتي بالمطبعة لان جنت شخص قانع جدا باللي اني بي يجوز جان تاثير الكليةووقتها مايسمحلي ان اطلب بلساني وبنفس الوقت جانو مقدرين كوني ادرس واشتغل ... هم دخلت بنفس التفكير وتوقعت ضيعت وقتي بالمطبعة بس اكتشفت الخبرة اللي صرت بيها بالاضافة الى التعامل وية أنواع الشركات والاشخاص جانت شي رائع جدا صح الواحد من يشتغل بمكان اكيد لغرض الاستفادة المادية ، بس جانت الي استفادة معنوية بالدرجة الاساس وهم رجعت احسب الأشياء اللي استفاديت منها من علاقات وية ناس ودوائر وشركات وناس من أهل الخير بايام زمان .. جانت فترة المطبعة من اروع الفترات اللي احتكيت بيها بالمجتمع بكل اصنافة وهم استفاديت بالتجربة الطويلة هذي ...
ضمن فترة المطبعة حبيت يكون عندي عمل ثاني ودخلت هذا العمل بمجال الاتصالات .. المجال حلو ورائع وطولت بي ولحد الان سنة و9 اشهر تقريبا .. جان الشغل يستمر ل 9 ساعات من وقت العصر الى مابعد منتصف الليل بساعتين .. جان النهار يضيع واليوم الثاني يكون متعب بعد اكثر ونعسان طول الوقت .. جان شغلنا اشبه بماكنة تكرر الكلام ل 9 ساعات يوميا ويوم بعد يوم ... اكيد الشغل بهذا الشكل ممل راح يكون وبالفعل راودني الاحساس ذاتة بالملل وتضييع الوقت بس مجان اكو مهرب من الوقت اللي اكضي الا بهذا الشكل لان ماممكن احد بعد ابغداد ممكن يتاخر الى الساعة ال 6 خارج البيت ف الانشغال بهيج عمل اسلم واامن بالاضافة الى كونة شغل بمجال جديد ويعجبني .. كسبت بهذا المكان لباقة اكثر بالكلام لان العمل كان رسمي لابعد حد والالتزام اللي بي بالدقايق بالضبط والتقيت باصدقاء جدد جانو من خيرة المجتمع ومن اعلى الشهادات ، اشخاص ماسنحت الهم الفرصة ان يشتغلون بشهاداتهم بس جانت الفرصة هنا حلوة ببدايتها .. الوقت ماضاع بيها وجانت بيها استفادة حلوة ...
الحمد لله جانت الفترات وحدة تتبع بفترة ثانية وبيها احداث مميزة واختلاطات بالمجتمع واستفادات معنوية ومادية ..
اما اخر فترة من الفترات اللي عشتها ول اكثر من سنتين انه التقيت بمحطة حياتي الاخيرة بالعيش والاختيار .. جان الوقت مو اعتيادي ومابي أي تضييع صبياني للوقت .. السكوت بيها ابلغ من ساعات الكلام .. والكلام بيها متعة ونضج للافكار .. شكد مااريد اكتب عن الفترة هذي ماراح توفي حقها .. ايام وساعات تنقضي بيها مثل البرق .. هية الامل اللي اعيش بي بذاتي والشي الوحيد اللي ماانتضر شنو اللي بعد التالي من بعدها .. لان عارف نفسي وعرفت بيها شلون ممكن راح اعيش .. ماراح تهمني شنو التالي وابدي اخاف واخووف نفسي من فراغ او بعد باللقاء .. ان شاء الله اكون ضمنت الفترة الجاية بحيث ماراح تحسسني بفراغ ببعد اصدقاء او سفرهم او تركهم للعمل .. لان لكل بداية اكو نهاية النهاية مهمة ومطريق الوصول الى النهاية اهم بس يكفي الواحد يحس ماحقق خلال هذا الطريق .
الانسان مهما عاش من وقت حس نفسة انه ضيعة خلي يراجع الاشياء اللي اكتسبها ويخلي بالدرجة الاساس المكسب المعنوي قبل كل شي .. احب اختصر كلامي بان الحياة ماتتوقف ومستمرة عجلة الوقت بالتقدم وخاصة من نستغل الوقت بيها يجوز دخولنا مرات الى مجال معين مانكون متلهفين اله ببداية الخطوات بس يجوز نلكي بي مستقبل حياتنا اللي نحب ونتمنى ... مو دائما الطرق اللي نحبها هية اللي توصلنا اللي نريد ... طولت اني بالكلام وانتظر اراء اللي راح يقرون وراح افكر هسة شنو الموضوع التالي اللي راح يكون بعد هذا !!!
أريد ابدي بهذا الموضوع اللي أحب بي اسال أي واحد ممكن يقرا البلوك مالتي ، اريد اكلة شنو التالي يعني اللي اقصدة شنو اللي بعد اللي انتة بي حاليا ، اذا جنت تدرس شنو التالي واذا جنت من اصحاب الاعمال ف شنو التالي ، واذا راح تتخرج ف شنو التالي ، واذا راح تقبل على حياة جديدة ف شنو التالي .. اكيد محد يكدر ان يقرر شنو بعد الوضع اللي هوة بي لان اكو ضروف واحداث هية اللي تتحكم بينا مرات بس دائما احنا نحب ان نغير دفة الامور الى صالحنا والى الشي اللي نريدة بعد اللي احنا بي ..
اهم شي من تجي الفكرة هذي على الشخص بانه شنو التالي لايفكر انه ضيع وقتة بالمرحلة اللي هوة بيها الا اذا بالفعل ضيع وقت وماحقق شي ..
مرات من تمر علية فترة من فترات عمري وخاصة من اتخرج من مرحلة حيايتة اذا جانت عملية او دراسية يراودني هذا الشعور انه اني ضيعت وقت تالي ابدي احسب باصابع ايدي شنو الاشياء اللي ممكن اعتبر نفسي استفاديت منها طول الوقت اشوفها اكثر مما اتصور وابدي احتاج الى احد يحسب وياية ..
تحقيق الاشياء او انقضاء الوقت بتحقيقها تكسب الواحد فد خبرة حلوة تساعدة بان يعيش بيها للخبرة هذا بحياتة او يمررها للجيل اللي راح يربي .. يعني تبدي هذي الفترة من بداية دخول الجامعة وتبدي نمط جديد من الحياة ..
راح احجي عن نفسي (ولا افتخار) علمود اريد اسمع منكم
فترة الكلية جانت الي بدايتها ممتعة كلش وخاصة اني جنت اداوم مسائي يعني الجو بالليل والجو الدراسي جان خرافي الاجواء والجو وراحة البال بالاضافة الى الاصدقاء اللي تكون نفسياتهم مفتوحة للتعارف ... مرت اول سنتين باروع صورة من الامان والراحة ومرت سنتين جانت متعبة وكئيبة لان دخنا بفترة الاحتلال وللساعة اللي اكتب بيها بعدنا محتلين !! صار جو الكلية مشحون والوقت كصير ووقت الدوام بالاضافة الى كل الاشياء اللي نعرفها ونسمعها بالوقت الحالي .. طول ايام الكلية اللي جانت بما بيها حسيت بعد التخرج اني ضاع وقتي بيها لان صار الوضع غير الوضع اللي جان ومستوى الدراسة اخذ بالانحدار الوقت اللي صار ينكضي صار الوقت اللي يمر بالكلية مجرد التقاء وية الاصدقاء وتبادل الاحداث بدا يسود علية هذا الاحساس بكوني ضيعت وقتي بس جانت الضورف هية اللي خلتني احس اني ضيعت وقتي رجعت لنفسي وبديت احسب شنو اللي استفاديت منة طول الفترة هذي .. اكتشفت بالدرجة الاساس انه بنيت قاعدة اساس من العلاقات والصداقات اللي متواصل بيها لحد الان وعرفت انه وقت الاصدقاء اللي تعرفت عليهم ماجان مقتصر على الكلية وبس بل تعداها وصارت العلاقات اشبه بالعلاقات العائلية .. مرات نغفل عن حساب هذي الامور لان نتصورها طبيعية وتجي كلما تقدمنا بالعمر وتعتمد على طبيعتنا الاجتماعية رصيد الاصدقاء رصيد ماينفذ مهما طالي بي الزمن ومهما تغيرت الضروف .. طبعا كلامي بغض النظر عن الاستفادة بالقسم الدراسي اللي جنت بي لان اني قاصد الدراسة والتعلم .. اجيت على اشياء ثانية تعرفي على اشخاص بميادين مختلفة بالحياة كبرت من مفهومي للحياة وتوسعت خبرتي بيها .. مااتصور راح اكول عنك ياكليتي انه ضيعت وقتي بيك
باول سنتين من الكلية .. وتحديدا بالسنة الثانية بدت رحلتي الحقيقة بالدخول الى الحياة العملية .. جنت اشتغل بمطبعة مجانت مطبعة ولامكان عمل اعتيادي .. طبعا اني على طول اللي يهمني اولا ان اكون صديق للكل تالي ابدي اشتغل بمجال العمل .. جانت المطبعة الي بيت ثاني والناس اللي اشتغلت وياهم جانو الي عائلة ماتصورت في يوم راح اتخلى عن هذا المكان بس شاءت الاقدار وبسبب ضروف الوقت الحالي انسدت المطبعة للاسف !! اشتغلت بالمطبعة ل 5 سنوات او اكثر جانت الفترة تتخللها 3 سنوات من الكلية .. راودتي نفس الفكرة بكوني ضيعت وقتي بالمطبعة لان جنت شخص قانع جدا باللي اني بي يجوز جان تاثير الكليةووقتها مايسمحلي ان اطلب بلساني وبنفس الوقت جانو مقدرين كوني ادرس واشتغل ... هم دخلت بنفس التفكير وتوقعت ضيعت وقتي بالمطبعة بس اكتشفت الخبرة اللي صرت بيها بالاضافة الى التعامل وية أنواع الشركات والاشخاص جانت شي رائع جدا صح الواحد من يشتغل بمكان اكيد لغرض الاستفادة المادية ، بس جانت الي استفادة معنوية بالدرجة الاساس وهم رجعت احسب الأشياء اللي استفاديت منها من علاقات وية ناس ودوائر وشركات وناس من أهل الخير بايام زمان .. جانت فترة المطبعة من اروع الفترات اللي احتكيت بيها بالمجتمع بكل اصنافة وهم استفاديت بالتجربة الطويلة هذي ...
ضمن فترة المطبعة حبيت يكون عندي عمل ثاني ودخلت هذا العمل بمجال الاتصالات .. المجال حلو ورائع وطولت بي ولحد الان سنة و9 اشهر تقريبا .. جان الشغل يستمر ل 9 ساعات من وقت العصر الى مابعد منتصف الليل بساعتين .. جان النهار يضيع واليوم الثاني يكون متعب بعد اكثر ونعسان طول الوقت .. جان شغلنا اشبه بماكنة تكرر الكلام ل 9 ساعات يوميا ويوم بعد يوم ... اكيد الشغل بهذا الشكل ممل راح يكون وبالفعل راودني الاحساس ذاتة بالملل وتضييع الوقت بس مجان اكو مهرب من الوقت اللي اكضي الا بهذا الشكل لان ماممكن احد بعد ابغداد ممكن يتاخر الى الساعة ال 6 خارج البيت ف الانشغال بهيج عمل اسلم واامن بالاضافة الى كونة شغل بمجال جديد ويعجبني .. كسبت بهذا المكان لباقة اكثر بالكلام لان العمل كان رسمي لابعد حد والالتزام اللي بي بالدقايق بالضبط والتقيت باصدقاء جدد جانو من خيرة المجتمع ومن اعلى الشهادات ، اشخاص ماسنحت الهم الفرصة ان يشتغلون بشهاداتهم بس جانت الفرصة هنا حلوة ببدايتها .. الوقت ماضاع بيها وجانت بيها استفادة حلوة ...
الحمد لله جانت الفترات وحدة تتبع بفترة ثانية وبيها احداث مميزة واختلاطات بالمجتمع واستفادات معنوية ومادية ..
اما اخر فترة من الفترات اللي عشتها ول اكثر من سنتين انه التقيت بمحطة حياتي الاخيرة بالعيش والاختيار .. جان الوقت مو اعتيادي ومابي أي تضييع صبياني للوقت .. السكوت بيها ابلغ من ساعات الكلام .. والكلام بيها متعة ونضج للافكار .. شكد مااريد اكتب عن الفترة هذي ماراح توفي حقها .. ايام وساعات تنقضي بيها مثل البرق .. هية الامل اللي اعيش بي بذاتي والشي الوحيد اللي ماانتضر شنو اللي بعد التالي من بعدها .. لان عارف نفسي وعرفت بيها شلون ممكن راح اعيش .. ماراح تهمني شنو التالي وابدي اخاف واخووف نفسي من فراغ او بعد باللقاء .. ان شاء الله اكون ضمنت الفترة الجاية بحيث ماراح تحسسني بفراغ ببعد اصدقاء او سفرهم او تركهم للعمل .. لان لكل بداية اكو نهاية النهاية مهمة ومطريق الوصول الى النهاية اهم بس يكفي الواحد يحس ماحقق خلال هذا الطريق .
الانسان مهما عاش من وقت حس نفسة انه ضيعة خلي يراجع الاشياء اللي اكتسبها ويخلي بالدرجة الاساس المكسب المعنوي قبل كل شي .. احب اختصر كلامي بان الحياة ماتتوقف ومستمرة عجلة الوقت بالتقدم وخاصة من نستغل الوقت بيها يجوز دخولنا مرات الى مجال معين مانكون متلهفين اله ببداية الخطوات بس يجوز نلكي بي مستقبل حياتنا اللي نحب ونتمنى ... مو دائما الطرق اللي نحبها هية اللي توصلنا اللي نريد ... طولت اني بالكلام وانتظر اراء اللي راح يقرون وراح افكر هسة شنو الموضوع التالي اللي راح يكون بعد هذا !!!
Sunday, June 10, 2007
أنا ... والغربة داخل الوطن !!
اليوم حبيت أن اكتب عن موضوع أكيد لسبب معين او لحدث اشوفة كدامي او أعيشة ..
واليوم راح اكتب عن الغربة داخل الوطن .. وإحساسي بيها والشكل البسيط اللي عشته بالغربة خارج الوطن وداخلة وقارنت بيناتها وشفت على أي كفة رجح الإحساس الأصعب .
قبل أشهر سافرت إلى سوريا وجانت السفرة بيها اندفاع لكون كانت المرة الأولى بحياتي واني أسافر خارج ارض الوطن (أيام ماجان نسمي وطن) ، طبعا اللهفة والتحضيرات أكيد أي واحد ممكن ان يحس بيها من يريد ان يطلع او يسافر وخاصة اذا كانت لاول مرة .. طبعا السفرة كانت ل 12 يوم واكيد من بعد السفرة الرجوع الوطن والعائلة والأصدقاء والحبيبة .. من الواحد يدري بنفسة راح يرجع اكيد راح يتكرر علية هذا الاحساس ويتذكر شكل المعيشة اليومي وراح يتكرر الموقف اكثر من مرة وخاصة للي يطلع من العراق ويدري راح يرجع ماراح يحس باي تحسن بعد رجوعة وهذي الكلمة تتكرر من سنين من كل اللي سافروا ورجعوا !!
بصراحة اني من سافرت لهذي الفترة الكصيرة اكتشفت شنو معنى غربة مع العلم البلد عربي .. عرفت شنو معنى الاعتماد على النفس بالحياة بس بشكل موسع اكثر لان اني متجاوز هذا الموضوع هنا .. وعرفت شلون ممكن ان يكون التعامل مع شخص مغترب .. وعرفت وعرفت وعرفت ... بس بصراحة جانت دائما تراودني احاسيس اريد ارجع لبغداد .. طبعا الواحد من يسمع اسم بغداد الموسيقي والخيالي بالتسمية ماممكن ان تتبادر الى ذهنة هية نفسها بغداد اللي جنا نذكرها ونوصفها ونسميها باسمها بغداد ...
جان احساسي هناك بالرغم من الجو والامان والراحة بس اكو أشياء باقية ماتغيرت بداخلي اللي هية القلق والتفكير بالناس اللي ابتعدت عنهم بهذي المسافة الطويلة .. شنو يسوون هسة .. وشلون مكضين الوقت .. وشلون ديطلعون ويرجعون .. بالفعل الواحد ينفصل بهاي الفترة او السفرة ويحس اخبار اهلة صارت بعيدة .. ويبدي يقلق ويفكر ويخاف عليهم من أي خبر ممكن يعكر ايام سفرتة ...
الحمد لله انكظت السفرة وراح الوقت عليها ورجعت بسلامة والحمد لله الناس اللي تركتهم رجعت لكيتهم مثل ماهمة والحمد لله وكلهم بصحة وعافية الا الوضع الامني اللي جنت اشوفة اخذ بالتردي من انفجار الجسر الحديدي الى الانفجارات اليومية المسموعة !!
بالفعل جانت تجربة اكتسبت بيها فد خبرة ولو بحيز زغير بالحياة بس ماانكر جانت تجربة حلوة .. بس ابدا ماجانت حل ولا حتى جانت هروب من واقع ... لان رجعت الى نفس الروتين بس بقليل من التجديد النفسي اللي راح وانطمر ومات بالرجوع الى شكل الحياة الحالي ... ماانكر اكو ساعات اعيشها باوقات تنسيني الدنيا واللي بيها وسوريا وكل ايامها وونستها بس هذي الساعات للاسف محسوبة علية بالوقت الحالي بس اتمنى ان تكون ساعات اعيشها بالاحساس ذاتة ولكل العمر .. ان شاء الله
رجعت ... ورجعت الى الحياة الاعتيادية اللي افتقدتها من جنت بسوريا .. لان اكو من يتواصل بالسؤال علية واكو من يداريني ويخاف علية كل هذي الاشياء الواحد يفتقدها من يكون مسافر او بعيد عن اهلة وناسة ، الحياة اللي اعيشها اني هنا هية عبارة عن خمس ايام عمل لـ 8 ساعات ونص يوميا و يومين اووف اكضي بالحر بالبيت أو ازور بعض الاصدقاء وهية هذي اليومين الوحيدين اللي امارس بي حقوقلي من اكون بالبيت بدون أي تقيد ... طبعا من اكول حقوق يعني حقوق مواطن عراقي واللي مجرب ان يكون عراقي هوه اللي راح يعرف يعني شنو حقوق !!!
اما باقي الاسبوع او الخمس ايام اللي اكضيها برة البيت وتحديدا بمكان الشغل ف اني هنا احس بمعنى الغربة اللي اريد ان احجي بي وهوه داخل الوطن .. ليش ؟؟
لان اتقيد بالحركة خوفا من الوضع الامني ... اتقيد من ان ارجع للبيت لسوء المناطق اللي ممكن امر بيها خلال الرحلة اليومية من الازدحامات والهوسة والطلقات اللي مايعرف الواحد منين والغرض منها هية فتح الطريق باسرع وقت لان الوقت عدنا بالعراق كلش كلش مهم.
طبعا بقائي هنا بالشغل لاسباب احس بيها بالغربة الواحد ماممكن ان يتعرض الها مهما كانت تحمل الغربة من ضغوط نفسية وضغوط تضرب على الوتر العاطفي واحنا بعد ماينراد النا نحجي بالعواطف والحنين ، يعني لو جمعت كل ما ممكن الواحد يشوفة برة باللي يخلي يمتنع من ان يرجع لبيتة اللي يبعد عنة بـ أرباع الساعات بس الحدث المتوقع او سماع الاخبار المحيطة اللي تخلي الواحد يتغرب بداخل وطنة وبين اهلة ...
اني ماارجع للبيت علمود خطورة الطريق ... ماارجع للبيت بسبب الوضع الامني والسيطرات الوهمية والغير وهمية .. ماارجع للبيت بسبب غلاء سعر البنزين .. ماارجع للبيت لان كهرباء ماكو .. ماارجع للبيت لان مرات مي هم ماكو .. كل هذي بصراحة ماحسيت بيها بايام الغربة وان كانت هية ايام لتغيير الجو النفسي علية .. بس مجانت بهذي الصعوبة وحتى وان كنت متغرب بالفعل او قاصد الغربة ، اني مااعرف شنو اللي خلاني اكتب عن هيج موضوع مع العلم اني بداخلي متحمل هموم تخص السياسة والوضع العام والمعيشة بس مااحب ان اذكرها لان كلنا ممكن نعيشها اذا مو نسمعها على رأس كل ساعة وساعة ومااريد ازيد بيها الهموم لان نحتاج دائما من يزيحها عنا بس استغليت الوقت الحالي اللي اني بي بالشغل وحبيت ان اكتب بوست اكون بي متواصل للاحداث او الافكار اللي تدور على بالي ...
صعبة بالفعل الغربة اللي الواحد يعيشها يوم بعد يوم ... اني صارلي هسة 3 ايام ماراجع للبيت وراح ارجع باجر .. من ارجع احير شنو اسوي وشلون اشغل وقتي وللاسف اصير اوصل لمرحلة بالتعجرف بالراي والانانية بالتفكير لان اريد ان امارس حقوقي واني بداري ومكان عيشتي وان اتدلل على اهل بيتي بسبب الضغط اللي ممكن ان احسة واني برة البيت ..
سوري اذا جان هذا الموضوع بس فد نظرة يجوز اسميها تشاؤمية شوية بس هية واقعية وبعيدة عن أي شي خيالي ... بس يبقى بداخلي الاحلام والاهداف والطموحات اللي احب وأريد ومصر على تحقيقها وان ساءت الاحوال والضروف مهما كانت .. لان اكو بداخلي احساس انساني وضمير وتفكير ينقلني من السلبية للايجابية بـ 360 درجة باتجاه الحياة ...
واليوم راح اكتب عن الغربة داخل الوطن .. وإحساسي بيها والشكل البسيط اللي عشته بالغربة خارج الوطن وداخلة وقارنت بيناتها وشفت على أي كفة رجح الإحساس الأصعب .
قبل أشهر سافرت إلى سوريا وجانت السفرة بيها اندفاع لكون كانت المرة الأولى بحياتي واني أسافر خارج ارض الوطن (أيام ماجان نسمي وطن) ، طبعا اللهفة والتحضيرات أكيد أي واحد ممكن ان يحس بيها من يريد ان يطلع او يسافر وخاصة اذا كانت لاول مرة .. طبعا السفرة كانت ل 12 يوم واكيد من بعد السفرة الرجوع الوطن والعائلة والأصدقاء والحبيبة .. من الواحد يدري بنفسة راح يرجع اكيد راح يتكرر علية هذا الاحساس ويتذكر شكل المعيشة اليومي وراح يتكرر الموقف اكثر من مرة وخاصة للي يطلع من العراق ويدري راح يرجع ماراح يحس باي تحسن بعد رجوعة وهذي الكلمة تتكرر من سنين من كل اللي سافروا ورجعوا !!
بصراحة اني من سافرت لهذي الفترة الكصيرة اكتشفت شنو معنى غربة مع العلم البلد عربي .. عرفت شنو معنى الاعتماد على النفس بالحياة بس بشكل موسع اكثر لان اني متجاوز هذا الموضوع هنا .. وعرفت شلون ممكن ان يكون التعامل مع شخص مغترب .. وعرفت وعرفت وعرفت ... بس بصراحة جانت دائما تراودني احاسيس اريد ارجع لبغداد .. طبعا الواحد من يسمع اسم بغداد الموسيقي والخيالي بالتسمية ماممكن ان تتبادر الى ذهنة هية نفسها بغداد اللي جنا نذكرها ونوصفها ونسميها باسمها بغداد ...
جان احساسي هناك بالرغم من الجو والامان والراحة بس اكو أشياء باقية ماتغيرت بداخلي اللي هية القلق والتفكير بالناس اللي ابتعدت عنهم بهذي المسافة الطويلة .. شنو يسوون هسة .. وشلون مكضين الوقت .. وشلون ديطلعون ويرجعون .. بالفعل الواحد ينفصل بهاي الفترة او السفرة ويحس اخبار اهلة صارت بعيدة .. ويبدي يقلق ويفكر ويخاف عليهم من أي خبر ممكن يعكر ايام سفرتة ...
الحمد لله انكظت السفرة وراح الوقت عليها ورجعت بسلامة والحمد لله الناس اللي تركتهم رجعت لكيتهم مثل ماهمة والحمد لله وكلهم بصحة وعافية الا الوضع الامني اللي جنت اشوفة اخذ بالتردي من انفجار الجسر الحديدي الى الانفجارات اليومية المسموعة !!
بالفعل جانت تجربة اكتسبت بيها فد خبرة ولو بحيز زغير بالحياة بس ماانكر جانت تجربة حلوة .. بس ابدا ماجانت حل ولا حتى جانت هروب من واقع ... لان رجعت الى نفس الروتين بس بقليل من التجديد النفسي اللي راح وانطمر ومات بالرجوع الى شكل الحياة الحالي ... ماانكر اكو ساعات اعيشها باوقات تنسيني الدنيا واللي بيها وسوريا وكل ايامها وونستها بس هذي الساعات للاسف محسوبة علية بالوقت الحالي بس اتمنى ان تكون ساعات اعيشها بالاحساس ذاتة ولكل العمر .. ان شاء الله
رجعت ... ورجعت الى الحياة الاعتيادية اللي افتقدتها من جنت بسوريا .. لان اكو من يتواصل بالسؤال علية واكو من يداريني ويخاف علية كل هذي الاشياء الواحد يفتقدها من يكون مسافر او بعيد عن اهلة وناسة ، الحياة اللي اعيشها اني هنا هية عبارة عن خمس ايام عمل لـ 8 ساعات ونص يوميا و يومين اووف اكضي بالحر بالبيت أو ازور بعض الاصدقاء وهية هذي اليومين الوحيدين اللي امارس بي حقوقلي من اكون بالبيت بدون أي تقيد ... طبعا من اكول حقوق يعني حقوق مواطن عراقي واللي مجرب ان يكون عراقي هوه اللي راح يعرف يعني شنو حقوق !!!
اما باقي الاسبوع او الخمس ايام اللي اكضيها برة البيت وتحديدا بمكان الشغل ف اني هنا احس بمعنى الغربة اللي اريد ان احجي بي وهوه داخل الوطن .. ليش ؟؟
لان اتقيد بالحركة خوفا من الوضع الامني ... اتقيد من ان ارجع للبيت لسوء المناطق اللي ممكن امر بيها خلال الرحلة اليومية من الازدحامات والهوسة والطلقات اللي مايعرف الواحد منين والغرض منها هية فتح الطريق باسرع وقت لان الوقت عدنا بالعراق كلش كلش مهم.
طبعا بقائي هنا بالشغل لاسباب احس بيها بالغربة الواحد ماممكن ان يتعرض الها مهما كانت تحمل الغربة من ضغوط نفسية وضغوط تضرب على الوتر العاطفي واحنا بعد ماينراد النا نحجي بالعواطف والحنين ، يعني لو جمعت كل ما ممكن الواحد يشوفة برة باللي يخلي يمتنع من ان يرجع لبيتة اللي يبعد عنة بـ أرباع الساعات بس الحدث المتوقع او سماع الاخبار المحيطة اللي تخلي الواحد يتغرب بداخل وطنة وبين اهلة ...
اني ماارجع للبيت علمود خطورة الطريق ... ماارجع للبيت بسبب الوضع الامني والسيطرات الوهمية والغير وهمية .. ماارجع للبيت بسبب غلاء سعر البنزين .. ماارجع للبيت لان كهرباء ماكو .. ماارجع للبيت لان مرات مي هم ماكو .. كل هذي بصراحة ماحسيت بيها بايام الغربة وان كانت هية ايام لتغيير الجو النفسي علية .. بس مجانت بهذي الصعوبة وحتى وان كنت متغرب بالفعل او قاصد الغربة ، اني مااعرف شنو اللي خلاني اكتب عن هيج موضوع مع العلم اني بداخلي متحمل هموم تخص السياسة والوضع العام والمعيشة بس مااحب ان اذكرها لان كلنا ممكن نعيشها اذا مو نسمعها على رأس كل ساعة وساعة ومااريد ازيد بيها الهموم لان نحتاج دائما من يزيحها عنا بس استغليت الوقت الحالي اللي اني بي بالشغل وحبيت ان اكتب بوست اكون بي متواصل للاحداث او الافكار اللي تدور على بالي ...
صعبة بالفعل الغربة اللي الواحد يعيشها يوم بعد يوم ... اني صارلي هسة 3 ايام ماراجع للبيت وراح ارجع باجر .. من ارجع احير شنو اسوي وشلون اشغل وقتي وللاسف اصير اوصل لمرحلة بالتعجرف بالراي والانانية بالتفكير لان اريد ان امارس حقوقي واني بداري ومكان عيشتي وان اتدلل على اهل بيتي بسبب الضغط اللي ممكن ان احسة واني برة البيت ..
سوري اذا جان هذا الموضوع بس فد نظرة يجوز اسميها تشاؤمية شوية بس هية واقعية وبعيدة عن أي شي خيالي ... بس يبقى بداخلي الاحلام والاهداف والطموحات اللي احب وأريد ومصر على تحقيقها وان ساءت الاحوال والضروف مهما كانت .. لان اكو بداخلي احساس انساني وضمير وتفكير ينقلني من السلبية للايجابية بـ 360 درجة باتجاه الحياة ...
Sunday, May 27, 2007
Positive Idea !!
صارلي من مدة طويلة واني داخل في دوامة من التفكير بالمستقبل والطموح واللي اريد احققة .. اكو كلمات بهذا البوست راح اخليها هية تساعدني بان افكر بشكل ايجابي اكثر وبعقلانية اكثر لان الوضع والحياة وهوستها ومشاكلها ومشاغلها مدتنطي الوقت الكافي للتفكير .. وبنفس الوقت صعبة نلتقي بالاشخاص اللي نريدان يشاركونا بالافكار والقرارات اللي نريد ان نسويها هسة او مستقبلا .. هذا المستقبل اللي نخطط اله ويجي عكس مانريد اون مانخطط اله ويجي على ما احنا جنا نريد حياة الانسان ممكن ان تكون صعبة او سهلة محد يعرف بينا شلون ممكن يكون مستقبلنا بس اكيد كل واحد راسم لمستقبلة او متخيل او من يتمنى ان شلون يكون مستقبلة تبقى كل هذي الامور وتحقيقها بفضل من رب العالمين بعد التوكل والدعاء والالتزام ...
المشكلة هذا الموضوع بساعة ماقريتة بالفعل ريحني وغير عندي هواية اشياء وجانت بالاسبوع اللي فات قريتة بالاضافة الى انه جانت عندي فكرة موسعة اكثر وتعليق اكثر اريد اكولة واكتبة قبل ان ابدي بالكلام اللي راح يكون بعد تعليقي وبسبب الكهرباء وانقطاع النت ماكدرت اكملة بالاسبوع اللي فات المهم مو ها الموضوع (بس داابرر لنفسي قلة التعليقات والكتابة !!)
الكلام اللي موجود بالبوست هذا مو بالضروري يكون احجي عن فترة قادمة اريد امر بيها او شكل حياة اريد اعيشة بس الموضوع من قريتة اول مرة هوة جان هيج ف ماحبيت امسح منة الشي اللي مايعجبني وابقي الشي اللي يعجبني لان اكدي اللي راح يدخل للبلوك مالتي كل واحد اله راي باللي راح يقراه ولو هية الكتابة مو تحقيق لرغبات الغير وانما هية محادثة او تفكير بصوت عالي بالواحد المقتنع والغير مقتنع بي شخصيا واكيد ماينطبق على الكل ولا على ضروف الكل ...
اني من نوع احب احجي بالمستقبل واني من نوع احب اتخيل هواية يعني يعجبني اعرف باجر شراح اسوي وشراح يصير الا ماقدر الله ان يصير ف احب احجي واتناقش بالامور الجدية واللي ممكن يصير بيها فد تشعب موضوعي واختلاف بوجهات النظر بحيث كل واحد يبدي راية باللي يكولة ..
طبعا اني حاير شنو ممكن اخلي عنوان لهذا الموضوع لان حتى دااحس الكلام اللي دااكتبة بس مجرد املاء فراغ بالبلوك بس والله مو بسببي ولا اكول انه ماعندي واهس بس احنا مفروضة علينا اشياء تمنعنا من ان نمارس ابسط حقوقنا يعني اني هسة من دااكتب دااكتب كلش بسرعة خوفا من انقطاع الكهرباء او من ابو النت لان احتمال هية اكو سيرفس بعد شوية ينكطع النت واضل حاير واضل الموضوع على نهاية الاسبوع يلله اكدر اكتب مرة ثانية ومنا الى الاجازة الجاية هذا البوست يكون واهسي بي رايح وبعد مااكتب شي مثل ماجان يصير قبل ف هسة دااجبر نفسي على الكتابة باي شكل ... اني حجيت هواية وتصورت نفسي راح اخلي فد مقدمة تليق بالموضوع اللي راح نقراه بس ماادري افكار ضاعت وطارت .. خلي نبدي نقرا واني وياكم لان حبيت هذا الكلام اللي مكتوب جوة !!
المشكلة هذا الموضوع بساعة ماقريتة بالفعل ريحني وغير عندي هواية اشياء وجانت بالاسبوع اللي فات قريتة بالاضافة الى انه جانت عندي فكرة موسعة اكثر وتعليق اكثر اريد اكولة واكتبة قبل ان ابدي بالكلام اللي راح يكون بعد تعليقي وبسبب الكهرباء وانقطاع النت ماكدرت اكملة بالاسبوع اللي فات المهم مو ها الموضوع (بس داابرر لنفسي قلة التعليقات والكتابة !!)
الكلام اللي موجود بالبوست هذا مو بالضروري يكون احجي عن فترة قادمة اريد امر بيها او شكل حياة اريد اعيشة بس الموضوع من قريتة اول مرة هوة جان هيج ف ماحبيت امسح منة الشي اللي مايعجبني وابقي الشي اللي يعجبني لان اكدي اللي راح يدخل للبلوك مالتي كل واحد اله راي باللي راح يقراه ولو هية الكتابة مو تحقيق لرغبات الغير وانما هية محادثة او تفكير بصوت عالي بالواحد المقتنع والغير مقتنع بي شخصيا واكيد ماينطبق على الكل ولا على ضروف الكل ...
اني من نوع احب احجي بالمستقبل واني من نوع احب اتخيل هواية يعني يعجبني اعرف باجر شراح اسوي وشراح يصير الا ماقدر الله ان يصير ف احب احجي واتناقش بالامور الجدية واللي ممكن يصير بيها فد تشعب موضوعي واختلاف بوجهات النظر بحيث كل واحد يبدي راية باللي يكولة ..
طبعا اني حاير شنو ممكن اخلي عنوان لهذا الموضوع لان حتى دااحس الكلام اللي دااكتبة بس مجرد املاء فراغ بالبلوك بس والله مو بسببي ولا اكول انه ماعندي واهس بس احنا مفروضة علينا اشياء تمنعنا من ان نمارس ابسط حقوقنا يعني اني هسة من دااكتب دااكتب كلش بسرعة خوفا من انقطاع الكهرباء او من ابو النت لان احتمال هية اكو سيرفس بعد شوية ينكطع النت واضل حاير واضل الموضوع على نهاية الاسبوع يلله اكدر اكتب مرة ثانية ومنا الى الاجازة الجاية هذا البوست يكون واهسي بي رايح وبعد مااكتب شي مثل ماجان يصير قبل ف هسة دااجبر نفسي على الكتابة باي شكل ... اني حجيت هواية وتصورت نفسي راح اخلي فد مقدمة تليق بالموضوع اللي راح نقراه بس ماادري افكار ضاعت وطارت .. خلي نبدي نقرا واني وياكم لان حبيت هذا الكلام اللي مكتوب جوة !!
نحن نقنع انفسنا بان حياتنا ستصبح افضل بعد ان نتزوج، نستقبل طفلنا الاول، او طفلا اخر بعده ومن ثم نصاب بالاحباط لان اطفالنا مازالوا صغارا، ونؤمن بان الامور ستكون على مايرام بمجرد تقدم الاطفال بالسن ومن ثم نحبط مرة اخرى لان اطفالنا قد وصلوا فترة المراهقة الان، ونبدأ بالاعتقاد باننا سوف نرتاح فور انتهاء هذه الفترة من حياتهم ومن ثم نخبر انفسنا باننا سوف نكون في حال افضل عندما نحصل على سيارة جديدة، ورحلة سفر واخيرا ان نتقاعد الحقيقة انه لايوجد وقت للعيش بسعادة افضل من الان
فان لم يكن الان، فمتى اذن؟
هنا بالفعل عجبني اخر سطر من هذا الكلام يعني الواحد مرات بالفعل يشغل نفسة باشايء بالمستقبل ويخلي نفسة بحالة من الاحباط وتالي بتفكيرة هذا وبتضييعة للوقت يضيع على نفسة الوقت الحاضر وحتى يخلق من الجو اللي هوة بي فد جو مشحون بشي من الكابة والقلق والضوجة والنهاية اللي تكون البكاء !! ليش ؟؟ ليش اني اوصل نفسي الى هذي المرحلة وابدي اهدم حاضري بتفكيري السلبي على المستقل صح الواحد من الفروض يفكر بالمستقبل ويخطط اله بخطوات مدروسة بالوقت الحاضر الا الاشياء اللي مانكدر ان نتدخل بيها لان هية من اردة رب العالمين مهما كانت .. ف بالفعل ماكو افضل وقت للعيش افضل من الان خلي الواحد يعيش على كد الساعة اللي بيها وخلي بعدين يحقق هذي السعادة الخيالية العظيمة اللي يفكر بيها واكيد راح تتحقق اله بالتفكير الايجابي وابعدا التشاؤم والمعوقات .. يعني هسة نتفق خلي نعيش شوية للوقت اللي نعيش بي هسة مادام مالة علينا السعادة لان ترة طريق السعادة شوية صعب صار علينا بالوقت الحالي ف اني عن نفسي اتفق وية نفسي ان افكر وان امشي على هذي الفكرة ..
حياتنا مملوءة دوما بالتحديات، ولذلك فمن الافضل ان تقرر عيشها بسعادة اكبر على الرغم من كل التحديات
كان دائما يبدو بان الحياة الحقيقية هي على وشك ان تبدأ.ولكن في كل مرة كان هناك محنة يجب تجاوزها، ( وترة ماتغيم الا تصحي !! ) عقبة في الطريق يجب عبورها، عمل يجب انجازه، دين يجب دفعه، ووقت يجب صرفه، كي تبدأ الحياة
(حلوة من اسمع او اقرا هذي الكلمة كي تبدأ الحياة .. دائمايعجبني ان ابدا الحياة اني بكل فترة من فترات عمري من احقق شي لنفسي من قضاء دين او عمل انجزة او وقت امضي بشي او حتى بتعرفي على اشخاص مايغيبون من بالي واتمنى ان يعيشون وياية بقية العمر وهذا اللي اسعة اله خصوصا بهذا الوقت )
ولكني اخيرا بدأت افهم بان هذه الامور كانت هي الحياة.وجهة النظر هذه ساعدتني ان افهم لاحقا بانه لاوجود للطريق نحو السعادة الا السعادة هي بذاتها الطريق.ولذلك فاستمتع بكل لحظة.
لاتنتظر ان تنتهي المدرسة، كي تعود من المدرسة، ان يخف وزنك قليلا، ان تزيد وزنك قليلا، ان تبدأ عملك الجديد، ان تتزوج، ان تبلغ مساء الجمعة، او صباح الاحد، ان تحصل على سيارة جديدة، على اثاث جديدة، ان ياتي الربيع او الصيف او الخريف او الشتاء، او تحل بداية الشهر او منتصفه، ان يتم اذاعة اغنيتك على الراديو، ان تموت، ان تولد من جديد، كي تكون سعيدا.السعادة هي رحلة وليست محطة تصلها لاوقت افضل كي تكون سعيدا اكثر من الان . . . عش وتمتع باللحظة الحاضرة
لاتنتظر ان تنتهي المدرسة، كي تعود من المدرسة، ان يخف وزنك قليلا، ان تزيد وزنك قليلا، ان تبدأ عملك الجديد، ان تتزوج، ان تبلغ مساء الجمعة، او صباح الاحد، ان تحصل على سيارة جديدة، على اثاث جديدة، ان ياتي الربيع او الصيف او الخريف او الشتاء، او تحل بداية الشهر او منتصفه، ان يتم اذاعة اغنيتك على الراديو، ان تموت، ان تولد من جديد، كي تكون سعيدا.السعادة هي رحلة وليست محطة تصلها لاوقت افضل كي تكون سعيدا اكثر من الان . . . عش وتمتع باللحظة الحاضرة
هسة خلي نفكر ونجاوب على هذه الاسئلة:
1.ما اسماء الاشخاص الخمسة الاغنى في العالم؟
2.ما اسماء ملكات جمال العالم للسنين الخمس الماضية؟
3.ما اسماء حملة جائزة نوبل للسنين العشر الماضية؟
4.ما اسماء حملة اوسكار افضل ممثل للسنين العشر الماضية؟
لاتستطيع الاجابة؟ انها اسئلة صعبة اليس كذلك؟لاتخف، لا احد يتذكرهم جميعا.التهليل يموت ويختفي ويضمحل . . . الجوائز يسكنها الغبار . . . الفائزون يتم نسيانهم بعد فترة قصيرة
وهسة خلي نجاوب على هذه الاسئلة:
1. اعط اسماء ثلاثة اساتذة اثروا عليك في حياتك الدراسية.
2. اعط اسماء ثلاثة اصدقاء وقفوا معك في وقت شدتك.
3. فكر في بعض الاشخاص الذين جعلوك تفكر بانك شخص مميز.
4. اعط اسماء خمسة اشخاص يعجبك قضاء وقتك معهم.
هذه الاسئلة اسهل من تلك، اليس كذلك؟ الاشخاص الذين يعنون لك شيئا في الحياة، لا احد ينعتهم بانهم الافضل في العالم، ولم يفوزوا بالجوائز وليسوا من اغنى اغنياء العالم. هؤلاء هم الذين يهتمون لك، ويعتنون بك، ويتحدون الضروف للوقوف الى جانبك وقت الحاجة.فكر بهذا للحظة الحياة قصيرة جدا وانت، الى اي مجموعة من المجموعتين اعلاه تنتمي؟
انت لست من ضمن الاكثر شهرة في العالم، ولكنك احد الاشخاص الذين تذكرتهم عندما رغبت بكتابة هذا البلوك
"" في وقت مضى، كان هناك تسعة متسابقين، وكان كل المتسابقون معوقون جسديا او عقليا، وقفوا جميعا على خط البداية لسباق مئة متر ركض وانطلق مسدس بداية السباق، لم يستطع الكل الركض ولكن كلهم احبوا المشاركة فيه. واثناء الركض انزلق احد المشاركين، وتعرض لشقلبات متتالية قبل ان يبدأ بالبكاء على المضمار. فسمعه الثمانية الاخرون وهو يبكي فابطأوا من ركضهم وبدأوا ينظرون الى الوراء نحوه. وتوقفوا عن الركض وعادوا اليه ... عادوا كلهم جميعا اليه. فجلست بجنبه فتاة، وضمته نحوها وسألته: اتشعر الان بتحسن؟ فنهض الجميع ومشوا جنبا الى جنب كلهم الى خط النهاية معا ""
فقامت الجماهير الموجودة جميعا وهللت وصفقت لهم، ودام هذا التهليل والتصفيق طويلا....الاشخاص الذين شاهدوا هذا، مازالوا يتذكرونه ويقصونه. لماذا؟لاننا جميعنا نعلم في دواخل نفوسنا بان الحياة هي اكثر بكثير من مجرد ان نحقق الفوز لانفسنا.
بالفعل سعادة غيرنا مرات تكون اهم من سعادة نفسنا بنفسنا .. دائما احب ان احقق الفرح والعادة للاشخاص اللي تصعب عليهم ضرفهم ان يحققوها لانفسهم ، الشخص اللي كدامي واللي ادخل اله السعادة والفرح احس انه حققت فد شي لنفسي او حجزت لنفسي فد موقف راح احتاج شخص يوكفلي بي مستقبلا واكيد راح يظهر الي هذا الشخص بيوم اللي اكون محتاج احد يكون بجانبي او يحقق الي الفرح والسعادة ... بالفعل الواحد لازم يكرر داخل نفسة وذاتة من يكول الفوز والسعادة مو هية لنفسنا وبس اكو ناس تستحقها اكثر واكو ناس ممكن ان نكون سبب في سعادتهم وهنا راح تكون اروع واحلى الامر الاكثر اهمية في هذه الحياة هي ان نساعد الاخرين على النجاح والفوز، حتى لو كان هذا معناه ان نبطئ وننظر الى الخلف ونغير اتجاه سباقنا نحن.
"" الشمعة لاتخسر شيئا اذا ما تم استخدامها لاشعال شمعة اخرى ""
بصراحة اني بهذا البوست ممكن اكون دخلت السعادة لقلب غيري او لشخص جان يحتاج من ان ينصحه بس بشكل غير مباشر بس تبقى كتاباتي بهذا البلوك اريد ان اوصل بيها فد فكرة وكلام وحدث معين لناس ممكن ان يكونون همة اصحاب الفضل بادخال الساعة المتواصلة داخل كلبي وعقلي ... اني حبيت هذا البوست بالرغم من انه اللي كتبة بي مو هواية بس جنت اتمنى اكول هذا البوست يحجي عن افكار تدور على بالي يجوز جان كتبتها في يوم بس ماراح توصل للفكرة اللي انكتبت بهذا البوست.. اكيد اكو بعد افكار وافكار على بالي تتغير بشكل ايجابي هسة او مستقبلا بمساعدة نفسي او مساعدة ناس موجودين بحياتي بس لازم نخلي وقتنا لحاضر عبارة عن افكار ايجابية لمستقبلنا ...
