Let's B Friends

راح اقرا هذا البوست كلما حسيت اني ضيعت وكتي او كلما حسيت انو عشت فترة
معينة من حياتي وانتهت واني زعلانة على الزمن الي مشى بسرعة وخلاها نتهي، راح اتفائل بكل كلمة كتبتها بهذا البوست، لان حالتي النفسية تعبانة بسبب التخرج، ما ادري

افرح لكوني اخذت الشهادة وكملت تعليمي وممكن استمر اكثر لان التعليم ماله حدود وممكن

يتوقف لهذا الحد همينة حسب الي راح اقررة واسوي لنفسي، افرح لان عدت مرحلة من

حياتي الحمدلله ما ندمت بيها على اي تصرف وما زعلت احد ولا ضوجت احد والكل

حبوني وقدروا صداقتي الهم بس ازعل على الزمن مرة ثانية لان هو يلعب بينا مو

احنة الي نلعب بي ..انتهت الكلية ودائرة الحياة الاجتماعية الي جنت عايشتها راح تقل

وتتضائل وتكون مقتصرة على عدد معين من الناس الي مستحيل اتحمل حياتي بدونهم،

صديقاتي الي كسبتهم من الاعدادية صداقتي بيهم مستمرة ما اخاف من الكلية وانتهائها ان

تأثر على علاقتي بيهم، لغتي الي كسبتها ما راح تنتهي وتروح الا اذا اني استمريت

اقرا واقوي نفسي بيها،ـ الدروس الي كسبتها بالحياة راح تبقى وياية واتذكرها كل يوم

وممكن انقلها للي يحتاج النصيحة ..واهمها..اهمها..القلب الي ملكته وملكني..ما راح

ينتهي وية الكلية، راح كلشي يكون مختلف ومميز لان ماكو مشاعر واحساسيس تنتهي

بسبب انتقالنا من مكان لمكان لفترة مؤقتة او دائمية او سفرة وبعد وبعده رجوع

وتواصل، هذي ايام عشتها باحلى ما يكون، كل يومية تعلمت من هذا القلب شلون احجي

وشلون اتعامل وياه ووية الناس ، وشلون افكر بهدوء وما اتسرع بالحكم لا عليه ولا

على الناس ولا على اي موقف ممكن امر بي ويوترني، تعلمت منه الصبر، تعلمت منه

الرقي بالتصرفات، تعلمت منه الوفاء والاخلاص والمحبة للمحبة نفسها مو لمصلحة شخصية

وهدف معين، تعلمت منه انو الحياة مستحيل تنطي للانسان حقه، فلازم هو الي يصنع

ويخلق الوقت والسعادة اله ويعشييها وما ينتظرها والدمعة بعينه ويكول اني انسان تعيس

بينما ممكن يكون عايش بالسعادة بس ما عرف شلون يحس بيها، تعلمت منه المسؤولية

على كل كلمة وكل تصرف اتصرفه، تعلمت منه شلون استمع وشلون اناقش وشلون

اتفلسف، وهو الوحيد الي يفهم كلامي وتفيكري وفلسفتي بدون ما احجي بيها وانطي

مقدمات عنها، تعلمت منه ان اتصرف بعفوية وية الكل وبصراحة واحب نفسي مثل ما

اني بدون ما اتغير...هذا احلى ما كسبة من الكلية، شي ما اتصور احد غيري يملكة،

او يقدره او يحس بأهميتة لان اني لوحدي عشته..مو لوحدي..هو الي هم عاش

هذي المرحلة والاحساس ..وقدره ..ولو ابقى احجي واكتب يمكن لازم اخصص بلوك

كامل حتى كل يوم اكتب بصفة عنه ..وشي يتميز بي..كل هذا واكثر واكثر بحيث

مرات ما اريد اوصف..بكد ما فضل ابقى ساكتة لان الكلام ما يوصل من الي اريد

اكولة الا الجزء القليل..
وهذي المرحلة الي صدك ما انتظر التالي وراها لان هي المرحلة الاولى والاخيرة الي تخص حياتي الشخصية..
ومن كلامك ما راح امل من الفترة الجاية بالعكس عندي حياتي مريت بمرحلة وهذي مرحلة جديدة وبعدها مرحلة لخ احلى واحلى ان شاء الله بس يا رب الظروف والاوضاع الامنية تكون بجانبنا وبجانب الكل لان هي الي تعبتنا نفسيا مو اكثر..

كلامك دائما بوكته..ومناسب..


مافيسة
 

لم يمض اسبوع على تخرجي وعودتي لتصفح مدونتك إلا وأجد ابداعات متنوعة ومختلفة!!
كالعادة موضوعك يخصني! ويلمس جوانب حياتية مختلفة بالنسبة لي
تخرجت من المرحلة الثانوية وأشعر بالضياع الان وخاصة ان اغلب الطرق نحو اكمال دراستي وتحقيق حلمي مسدودة وقد راودني السؤال المثير! والاحساس بأني أضعت وقتي كثيرا ولم استفد
ولكني الان وبعد قراءه موضوعك كالعادة معنوياتي في ارتفاع متزايد وتذكرت كم كسبت من دراستي وتفوقي فيها رغم ان ذلك لايشفع لي!!! لكني سأتشبث بأملي الوحيد للنهاية
لن أخرج عن الموضوع الاساسي أكثر ولن اضيف اكثر فصدقني لو تعلم مدى تأثيره علي لمااستوعبت

وشكرا مره أخرى وواصل الكتابة بروح جديدة في كل مره
 

الموضوع يخص اي شخص ممكن ان يحب ان يوصل ويتقدم بحياتة .. الموضوع بس مو للاشخاص الناجحين فقط .. لان النجاح احنا اللي نجيب لطريقنا عن طريق طموحنا بحياتنا ... مريت بمراحل هواية وشفت وتاملت وحسيت وتفاعلت وحبيت .. وزيدت خبرتي بحياتي اللي مكن استفيد منها مستقبلا اكثر او افيد بيها الناس .. الحياة اللي نعيشها وخاصة الدراسة ترة مو نهاية المطاف بينا .. ف رب العالمين خاط النا طريق سيرنا من جنا ابطوون امهاتنا بس يبقى شي ودافع اللي هوة يخلينا نتحرك ونختار ونمشي بهذا الطريق .. الحياة طويلة وممكن الواحد ان يزج نفسة باي شي ممكن يستفيد منه دراسة مطالعة سفر عمل كلها مو خسارة بحياة الانسان حتى النوم على شرط بوقتة هوة مو خسارة بحياة الانسان بس على شرط ان يكون باستحقاق .. بس تبقى الفرص اللي تمر بحيتنا والبي دائما ننتظرها واللي تسوي نقلة بحياتنا هية دائما اللي نركض وراها لان فرص الحياة ممكن تكون هواية وخاصة الاعتيادية جدا منها بس اللي تسوي نقلة بحياتنا هية وحدها اللي نتربص الها طول عمرنا لان اذا فاتت بعد مرة بعد ماترجع ابدا ... خلي دائما نعتبر الوقت اللي نمر بي مابي مضيعة للوقت لان لازم اكو شي بعد هذا الوقت ..