Tuesday, January 29, 2008

 

مكملات لحياتنا ؟؟


... سؤال نسمع بي دائما .. انتة شنو مخلص كلية .. او انتة خريج شنو .. او شنو اللي واصل اله في حياتك .. انجازاتك .. افعالك .. اعمالك .. افكارك .. طموحاتك ..؟؟
كلها اسئلة مرات نلكي الها جواب من نكون واصلين لهذي المراحل .. وروعة الاحساس بالاجابة عنها يكون من نعرف بنفسنا وصلنا وحققنا جزء منها وبدينا بالمرحلة اللي نتفاخر بيها للي سألنا ..
كل هذي الاجوبة وماحققنا هية ضمن مراحل حياتنا ومكملات الها .. دائما نطمح ان نكمل حياتنا بشهادة او عمل او طموح شخصي .. ولكل مرحلة من حياة الانسان نحب ان ننطيها حقها ومانحس بانه ضيعناها وفاتت علينا .. اني ممكن كاتب عن هذا الموضوع مسبقا بالطرق لتحقيقة وتنفيذ هذي الاشياء او الى أي مرحلة واصل بيها .. بس احب كلما ارتقي بسلم الحياة والنجاح ان اكتب وافصح عنها .. لان التحدث بالنعمة هية طريقة من طرق الحمد والشكر ..
ارجع على الامور اللي تكمل حياتنا واللي نحس بيها بوقتها واحنه فاقديها ..
فراغات موجودة بحياتنا نحتاج ان نمليها بنفسنا او نستعين باحد لفترة او لطول العمر ان يمليها النا .. ممكن ان يكونون اشخاص او اشياء معنوية او مادية ملموسة تملي علينا كل هذي الفراغات ..
احساس فقدان الشي صعب وهوة مختلف عن احساس الحاجة الى هذي الاشياء احب ان اسميها حاجة اكثر من فقدان لان فممكن ان نكون فاقدين شخص من الصعب جدا ان نعوض باحد مشابه اله بس ممكن بمرور الوقت يجي شخص يعوضنا هذا الفقدان شكل ثاني يخفف علينا احساسنا بالاول.
او قد نكون في يوم من الايام مسلمين انفسنا ومودعين ثقتنا لـ أشخاص مايكونون اهل الها بعدها يجي احد اللي يمد ايدة النا ويغير علينا حالنا ..
ممكن تكون اشياء معنوية مثل الاحاسيس اللي نحتاجها واللي نحب ان نسمعها وان تتكرر علينا ومانحس منها بملل بالطريقة اللي ننمنح الها بالشكل المتجدد.
او قد تكون اشياء مادية ملموسة .. سواء كانت حاجات او اشخاص .. نحتاج ان تكون موجودة في مكان في حياتنا علمود تكمل ديكور حياتنا باروع شكل.
احب ان امثلها مثل ركن غرفة خالي من أي تحفية او ديكور يغير هذا الجزء الخالي منها ومن نبدي بالتفكير بتغيير هذا الركن نفكر باحتياج شي يملي هذا الجزء الشاغر ..
طبعا الاحتياجات اللي ممكن ان اذكرها بهذا الشكل هواية وخاصة اذا كانت تخص الانسان بحد ذاتة .. وطالما الانسان هوة اللي يواجه حياتة بنفسة واللي تعرضة حياتة لتجاربها وفرحها وقسوتها ف تضل هذي الاحتياجات متجددة بالشكل اللي يرضي انفسنا من الداخل.
الحب .. مثل مناسب لهذا الحديث . احتياجنا للحب هذا الشعور اللي يغير حياتنا كلة واللي يشوفنا الاسود ابيض ويخلي المزاج هوة اللي يختار ويشوف بس الاشياء الحلوة .. هذا الاحساس نحتاجة بشتى الطرق من صديق ومن اهل ومن حبيبة ومن زوجة .. كل واحد من اللي ذكرتهم يمنحة النا بالشكل اللي يرضينا واللي نحتاجة ..
احنا دائما في حاجة مستمرة لوجود اشياء تملي مفردات حياتنا .. ممكن تكون ببساطتها الها جزء من اكتمال الشي اللي نحتاجه واللي نتطلع اله ..
اتذكر في مرة من المرات كتبت عن موضوع معين باحد البوستات وجنت متحسر على وجود شي ناقص في حياتي واريدة يتمكل برغم شكلة البسيط بس يحمل من الروعة والجمال شعور ماينوصف باروع وارق كلمات الفلسفة والثقافة .. جان شكل هذا الشي هوة دائرة .. دائرة جانت تحتاج ان تشغل فد مكان بينا هذا الدائرة من تكون بمكانها الصحيح والمناسب راح تعود علينا بشعور غاية بالروعة كلما اخطفت النظر عليها .. اتصور كلامي واضح بهذا الشي حاليا وشنو اللي اقصدة وخاصة بعد البوست اللي سبق هذا ....
هذي هية حاجتنا للاشياء ممكن تكتمل باشايء مادية ومعنوية بسيطة ..
مرات أحس بنفسي اريد احد يمي يشغل هذا الفراغ مابين ايدي ... يضطرني الوقت مرات حتى لو ان احضن المخدة !! اريد اشغل هذا الفراغ المادي والمعنوي ولو ماراح يكون شعور متبادل بالمرة هذي !! بس ذكرتها على سبيل الضحك والمثل !!
اني احب من كل من يحتاج ان يملي حياتة بهذي الاشياء ان يفكر بيها وان مايسمح للوقت ان يمنعة من تحقيقها .. اني من زمان واحب دائما ان املي الفراغ اللي احس بي بهذي الاشياء الي ذكرتها واكثر واكثر لان طالما الانسان يحب ان يرضي نفسة ويريحها ...
حالوا انتو هم ان تملون هذي الفراغات اللي تحتاج لوجود شي يمثلها ويمليها لبقية عمرنا ..
ف خلو من دائرة بسيطة باحد اصابع ايديكم تكمل جزء من حياتكم ..
وخلو الكرسي الفارغ اللي بجانبكم ان يكون شاغلة صديق جديد او حبيب الكم
وخلو الرف والزاوية وجدار غرفكم بشي يشغلها

ولاتنسون ان تخلون
lionKing
!! على بالكم بس مو شرط يشغلكم

Comments:
السلام عليكم^^

اخي العزيز لايون كينغ في مدونتي الخاصه لدي موضوع يشبه موضوعك الى حد كبير اتحدث فيه عن امور احب ان تملأ حياتي
ولكن موضوعك هو الأجمل لانه يتحدث عن
امور اكثر شموليه من التي ذكرتها في موضوعي ..

موضوعك كالعاده غني ومفيد بنفس الوقت يحمل معاني كثيرة جدا ..يتحدث عن احتياجات موجودة لدى كل شخص فينا بالرغم انو في احتياجات الشخص مايقدر يمليها بنفسو ! لأنها ماتمتلئ الا من ربنا
>>اخ بس من العربي المكسر حقي
مثلا الحب حلو الانسان يملأ حياتو بحب اللي حوله من اصدقاء واهل بس في حب مايجي الا من ربنا وفي بعض الاحيان مايجي بالوقت اللي بتحتاجو فيه
مدري يعني يمكن دي النظريه على نفسي بس هي هي هي !! بس تسلم واللهي عالبوست الجميل جدا وشرفني بالسبيس ياسيد كينغ للان ماشفتك :تعجب: لاتخليني اقول ميشو احسن منك هي هي هي !!
وسي يا في كومينت اخر ان شاء الله
 
انجل سمايل .. شكرا على ردك السريع وعلى تواصلك بقرائة مواضيعي البسيطة .. والتي تكون ذات قيمة اكثر عندما تقع عليها عيونكم ..
حاولت ارد على تعليقك لكنني وجد الرد في مدونتك اوجب اكثر ..
 
لايون، لايوني، مثل كل مرة البوست الي تكتبه حلو ومميز ويكشف عن طريقة تفكير جديدة الك، طبعا شي حلو ذكرك للمراحل الي نحتاج ان نمر بيها بحياتنا، وشلون نحقق امنية النا بشغل جزء شاغر من غرفة معينة بديكور بسيط، بس تأثيره يكون حلو ويضيف على المكان اجواء خصوصية وحلوة ومميزة تغيير من نفسيتنا من نكون متواجدين بهيجي مكان نكون احنة الي متفننين بتصميم الديكور مالته..
مثل الفراغ الي جنت حاسته قبل لا تدخل بحياتي وتملي هسة بهذا الشكل الحلو، وبأرتباطنا امام اهلنا والناس كلها، صار من حقي ان اكتب انو من احلى الاشياء الي صارتلي بحياتي وحسيتها مرحلة مهمة جدا تستحق ان تنذكر واحجي عنها، هي الحلقة الدائرية الي شغلت اصبعي، والي تمثل ارتباطنا وحبنا سوا...

وبعد هواية اشياء ممكن نسويها ونحس بيها انجاز حققنا واخذ جزء من حياتنا، مجرد ديكورات تضيف طعم جديد وفرحة وراحة بحياتنا برغم كل الظروف الي تصير ونعيشها وتنفرض علينا..مثل دراسة صداقات، شغل، اهتمامات وهوايات شخصية، اهتمامات بتغيير ديكورات غرفة او بيت وتصميمه بشكل مميز يريحنا، مثل الحب الي شغلنا وخلانا نشوف الدنيا حلوة..مثل التغيير الي نشوفه بين فترة وفترة على البلوك مالتك بكتابتك بوست جديد وتضيفلنا شي جديد من خبرتك وتبين اذا مو الي فلآي قاريء يتابعك معلومة جديدة عنك او عن الحياة والدروس الي ناخذها منها، لان الحياة امتحان النا، وشي مفيد ان نتعلم من تجارب غيرنا قبل لا نخوض تجاربنا الخاصة..

عاشت ايدك..
 
clap .. clap .. clap .. clap
you are marvelous MICHO
thank you because
u r my all
 
هلوو اجين
ثانكس لايون على ردك الجميل في سبيسي
مرا بسطني صراحه
بس كنت ابغى اطلب منك طلب انتا وميشو
لانو سبيسي هلأ صار مفتوح لكل الناس وانا ابغى اخليه فرندز بس
فهل ينفع اعملكم انفايت كفريند اذا عندكم بروفايل بالويندوز لايف او الهوتميل ولا شئ كدا
وسوري عالازعاج هي هي هي !!
وخلينا نشوف بلوق تاني قريب مسيو لايون^^
 
hello Angel Smile, sorry i don't have an account on windows live, even we don't use the MSN messenger , so we'll stay freinds and keeping in comment in the space and the blog . thank you so much
 
اها اجل اتس اوكي خلاص
اصلا من كتر اللي بيزورو سبيسي خخخ حتى
اخليه برايفت

وايوا اذا قريت مسرحيتي خبرني عن رأيك اوك
سي يا
 
i did a little research after you told me about your "thing", and if you want a way to make more money using your your blog you can enter this site: link. bye.
 
Haaaaa my brother shloonk

Did u get married yet or r u looking for a house and still getting ready.

Let me know if u need any help

Update your brother yoda
 
Helllo,

I keep thinking about your prblem.

Yaba I found a house and am going to see it tomorrow, inshallah it will be fine..

Best wishes

Old Brother YoDa
 
Post a Comment



<< Home

This page is powered by Blogger. Isn't yours?