Saturday, July 29, 2006
فترات ومراحل
راح اكتب اليوم بطريقة تعلمتها من شخص عزيز وغالي جدا وهية الطريقة الافكار والاحدات والسرد بطريقة " اللي يجي على البال احجي بي "
بهذي الفترة حاليا مشغول بهواية امور منها طموحاتي لحياتي الخاصة والمستقبلية ويجوز هذا السبب الجبير اللي مايخليني انام بهذي الفترة او بصعوبة جدا ومهما حاولت ان الهي نفسي بشي هم مااكدر انام واضل احاول وكل شوية اشوف الساعة واشوفها مرت ساعة كاملة واني بعدني كاعد بنفس الوقت افكر اني بشنو افكر الكي نفسي مداافكر بشي بس مااكدر انام ... المهم هاي اني بكل فترة امر بفترة يكون بيها شي يتكرر دائما يعني جنت قبل فترة شكد ماانام قليل احس نفسي مرتاح وبفترات ثانية مرات بس احط راسي على المخدة انام ومرات مثل هذي الفترة لا تعذرني جدا اتوسل بالنووم ومايجي هنا قست على النوم فقط لان اكو امور ثانية هم تصير عندي بفترات !!
ارجع الى موضوعي الرئيسي اللي هوة الفترات اللي امر بيها بحياتي اللي تبدي من ابسط الامور الى اعقدها ... راح ارجع لي ورة الى ايام الكلية وماتحمل ايام الكلية من معاناة وونسة وتعب بنفس الوقت من بدية دوامي بالكلية جنت اشتغل يعني تقريبا بعد نص السنة بالاول كلية ومع بداية السنة الثانية جنت اني الشخص الاكثر تميزا بين اصدقائي لان نادر منهم من جان يشتغل بمهنة معينة من ذاك الوقت واني اعتمدت على نفسي اعتماد كلي وبديت اعرف شلون ممكن الانسان ان ينهض بنفسة وشكد حلوة نظرة المجمتمع على شخص متعلم ويشتغل بنفس الوقت وهذا الشي مجان محط انظار من قبل الاصدقاء وبس لان جان من قبل الاهل والاقارب دائما يفرحون بية لاعتمادي على نفسي وعلى طبيعة شكل حياتي مابين الدراسة والعمل .. بوقتها حسيت انه اني سابق جزء من المجتمع وخاصة من الجيل مالتي يعني جنت افرح من اشوف نفسي اني اللي عندي مورد خاص بية ومااخذ من اهلي وحتى من جنت اعزم اصدقائي احس بالعزومة حلاوة اكثر لان اني اللي بالفعل عازمهم ومن تعبي من هذي النقطة صارت عندي فد نقطة انطلاق جديدة تجاه الحياة العملية بالرغم من كوني مشتغل اعمال سابقة بس مو مثل هذي المرة لان اني من النوع اللي احب استغل وقتي بكلشي عدا الدراسة بصراحة لان مرات مااطيقها مو لان هية دراسة وانما للوضع العام للدراسة ولما اشوفة من اصحاب الشهادات شكد مقدرين من قبل هذا الوطن اللي جان عزيز وغالي !!
المهم جنت فرحان بنفسي وماجنت اتصور اكو مرحلة ثانية ممكن ان تكون افضل من اللي اني بيها من ناحية العمل .. وسنة بعد سنة واختلاط بالناس وبالمجتمع اللي جنت اختارهم اكتشفت نفسي متاخر عن بقية الناس .. وهنا حسيت نفسي مثل اللقطة اللي تصير بالفلم من واحد يعيط او يصيح وراسة مرفووع لي فووك والكامرا تبتعد عنة ..............
وكانما اكتشفت نفسي وحيد بالمكان او الفترة اللي اني بيها صارت احتياجات لامور مختلفة بالحياة اريد ابرز نفسي بيها واريد اثبت للناس اني ترة من اشتغلت حققت الشئ الفلاني لنفسي .. فكرت وفكرت اجتني فكرة ان اشتري سيارة .. سيارة اي نعم سيارة وهذي من الامور اللي جان بعد 30 سنة ماتخطر على بالي بس الحمد لله الوضع خلاني اكدر ان اشتري سيارة يجوز هذي وحدة من الاشياء الزينة اللي صارت بعد الاحتلال للاسف !! بديت ادور وبديت احاول وجمعت فلوسي واتداينت مبلغ جبير علمود اسد بي مبلغ السيارة طبعا جان المبلغ بوكتها جبير بالنسبة الي المهم وبعد محاولات ونزول الى سوق السيارات واخيرا اشتريت سيارة دايوو سلو جانت شي ولا اروع بحياتي ان املك شي خاص بية وجنت اعتبرها مملكتي الخاصة وجنت احبها اكثر من بيتنا لان جنت اكضي بيها شغلاتي وايامي طول اليوم من الروحة للشغل وللكلية والطلعات العصر حسيت بنفسي حققت شي مميز لنفسي واتميزت بي مرة ثانية وجنت من اوائل الاصدقاء اللي يجنون سيارة وتكون باسمهم فقط شي حلو كلش واحساس مايحس بي الا صاحبة ..
الدنيا مثل مانعرف ماتبقى على حال وحال الدنيا من المفروض دائما يتقدم واني هم جنت دائما احاول ان اتقدم بشتى الطرق حتى لو زحفا بس المهم جنت اتقدم ، جانت مرحلة السيارة الي مرحلة حلوة لذاتي ولشخصيتي واثبتت اشياء هواية لهواية نااااااااس جنت اتمنى يشوفون اللي حققتة ولو بالشي البسيط بس بعيني جان شي جبير وحلو ، استمريت على هذا الحال الى ان تخرجت من الكلية وتصورت نفسي اني متربع على قمة من النجاح بالعمل بالحياة وحتى بالدراسة بس عند التخرج ومن تصير نقلة جديدة بحياة الانسان او راح يبدي يعيش بقترة جديدة لازم يواجهها لان راح تبتدي فترة الحياة العملية فقط لان مجان يسمح الوقت اكثر بان نواصل الدراسة بي .. صار عندي احتكاك اكثر بالحياة العملية وشفت مرة ثانية العالم بشكل ثاني وشفت نفسي متاخر عن هواية ناس وتكررت نفس اللقطة بس هذي المرة ماجنت اصيح وانما جنت كاعد بسيارتي ودايس على الهووررن وهم الكامرا ابتعدت عني !!
دخلنا مرحلة ثالثة او خامسة او عاشرة وصار الوقت ممل وصار وقت فراغ جبير ممكن الواحد ان يكضي بشي نافع اله بالرغم من انه عشت بعدها فترة جانت حلوة كلش جنت اطلع بيها بين يوم ويوم وية اعز اصدقائي تالي صار الوضع مو زين واضطرينا ان نكون ببيوتنا اامن واحسن وحفاظا على سلامتنا هنا بديت بمرحلة ممكن ان استفيد واستغل الوقت اللي اني بي بديت ادور على شغل ثاني يخليني مو امشي وانما اهرول علمود الحك ببقية الناس اللي تركوني اني وسيارتي بهذي المرة .. حاولت وفكرت وقدمت وجانت مغريات العمل هواية ومميزة كلش .. كلت هية هذي الفرصة اللي راح تسوي نقلة بحياتي واللي هية دائما ادور عليها باي شكل قدمت لشركة الاتصالات ومجان احد يدري باموضوع بس اهلي وأحد الاشخاص مدااكدر ان اسمي لان شنو يكون وصفي اله مااكدر اجيبهه بمليون كلمة .. جان هذا الشخص يساندي ويعرف اخباري يوم بعد يوم ... قدمت وانقبلت بهذا المكان مابين ال العشرات العشرات من الاشخاص هنا بديت بمرحلة متميزة جدا جدا وهذا اللي جان الاحساس بنفسي على الرغم من انه جان مكان الشغل ساعاته طويلة اللي حرمتني حق نفسي وحرمتني حتى من الجلوس على طاولة طعام وحدة اني وااهلي او اصدقائي لان جان الشغل 9 ساعات وجنت ابات بمكان العمل يعني صحيح العمل متعب بس الفائدة اللي بي ماتتعوض بمكان ثاني .. كضيت بهذا المكان فترة كلش طويلة ومتعبة جانت وخطرة ومملة ومضحكة بكل فترة من الفترات بس اكثر الفترات تميزا واللي لحد الان اعيشها هية تواصلي مع الشخص المميز اللي جان اول المطلعين على هذا العمل بالرغم من انه جنت بعدني حتى ماشايف هذا الشخص !! بس جنت احس بي يحب ويريد الي الخير من خلال دعائة ولسانة الطيب جدا .. والحمد لله الاايام ثبتتلي وجود هذا الشخص الرائع وصار يساندني اكثر من نفسي حتى علمود اواصل حياتي ...
هذا المكان اللي اني بي حاليا متواصل بالعمل بي اكدر اكول بنيت بي شي لنفسي من خلال الفرتة اللي اشتغلت بيها واللي هية لخد الان من الشهر التاسع من السنة الماصية وتعلمت هواية اشياء بهذا المكان من طريقة التعامل والصبر وحب الناس والمشاركة وروح التضحية وغيرها من الصفات اللي اكتسبتها او اللي جانت موجودة عندي بس مجان الها مكان علمود استعملها بي ، طبعا مرة ثانية ارجع للاختلاط بمجتمع جديد راح يخليني اشوف هناك اكو فرص مختلفة بس شلون الواحد يكدر يحصلها وفرص تظاهي عشرات المرات المكان اللي تصورتة هوة هذا اللي راح يكون الي نقطة الحياة الجديدة اللي خلي اسميها ، هنا وصلت لحالة من الاستقرار بالتفكير لان شفت نفسي وصلت مرحلة حلوة واني بعمري هذا اللي بعدني مامتجاوز ال 25 سنة الاستقرار بالتفكير ضل مصاحب الي طيلة الاشهر الاولى لان جنت الشغلة جديدة ومميزاتها مامجربيها من قبل بس بعد مرور 11 شهر على هذي الشغلة اكيد الواحد راح يكتشف اقسام ثانية بالشركة او حتى اماكن ثانية للعمل يخص المجال او يخص الخبرة الشخصية ... حاليا اني امر بمرحلة شبه مستقرة لان مرات اكون كلش فرحان باللي وصلت اله واني جدا قانع وراضي بما قسم الله الي من حياة وصحبة ورزق والحمد لله ومرات احس بنفسي مكاني لازم يكون بمرحلة متقدمة اكثر واكو فرص للتقدم بس !! خطوة الوضع ماتسمح وهنا اكيد راح نكول المثل الشعبي اللي يكول اللي يشوف الموت يرضة بالصخونة !! خلينا على لصخونة الى ان تفك منا وترجع درجة حرارتنا الاعتيادية ... ومرات امر بحالات هم احس بنفسي متاخر عن المجتمع لما اشوفة من حولي ومااريدة ان احققة اللي دائما احلم بي واحلامي هواية كلش بس لحد الان بعدني ماصايح وبعدها الكامرا قريبة مني وشوكت راح اصيح واني بهدا المكان ماادري بس هنا اللقطة راح تكون اني وسيارتي وموبايلي !!
بهذي الفترة حاليا مشغول بهواية امور منها طموحاتي لحياتي الخاصة والمستقبلية ويجوز هذا السبب الجبير اللي مايخليني انام بهذي الفترة او بصعوبة جدا ومهما حاولت ان الهي نفسي بشي هم مااكدر انام واضل احاول وكل شوية اشوف الساعة واشوفها مرت ساعة كاملة واني بعدني كاعد بنفس الوقت افكر اني بشنو افكر الكي نفسي مداافكر بشي بس مااكدر انام ... المهم هاي اني بكل فترة امر بفترة يكون بيها شي يتكرر دائما يعني جنت قبل فترة شكد ماانام قليل احس نفسي مرتاح وبفترات ثانية مرات بس احط راسي على المخدة انام ومرات مثل هذي الفترة لا تعذرني جدا اتوسل بالنووم ومايجي هنا قست على النوم فقط لان اكو امور ثانية هم تصير عندي بفترات !!
ارجع الى موضوعي الرئيسي اللي هوة الفترات اللي امر بيها بحياتي اللي تبدي من ابسط الامور الى اعقدها ... راح ارجع لي ورة الى ايام الكلية وماتحمل ايام الكلية من معاناة وونسة وتعب بنفس الوقت من بدية دوامي بالكلية جنت اشتغل يعني تقريبا بعد نص السنة بالاول كلية ومع بداية السنة الثانية جنت اني الشخص الاكثر تميزا بين اصدقائي لان نادر منهم من جان يشتغل بمهنة معينة من ذاك الوقت واني اعتمدت على نفسي اعتماد كلي وبديت اعرف شلون ممكن الانسان ان ينهض بنفسة وشكد حلوة نظرة المجمتمع على شخص متعلم ويشتغل بنفس الوقت وهذا الشي مجان محط انظار من قبل الاصدقاء وبس لان جان من قبل الاهل والاقارب دائما يفرحون بية لاعتمادي على نفسي وعلى طبيعة شكل حياتي مابين الدراسة والعمل .. بوقتها حسيت انه اني سابق جزء من المجتمع وخاصة من الجيل مالتي يعني جنت افرح من اشوف نفسي اني اللي عندي مورد خاص بية ومااخذ من اهلي وحتى من جنت اعزم اصدقائي احس بالعزومة حلاوة اكثر لان اني اللي بالفعل عازمهم ومن تعبي من هذي النقطة صارت عندي فد نقطة انطلاق جديدة تجاه الحياة العملية بالرغم من كوني مشتغل اعمال سابقة بس مو مثل هذي المرة لان اني من النوع اللي احب استغل وقتي بكلشي عدا الدراسة بصراحة لان مرات مااطيقها مو لان هية دراسة وانما للوضع العام للدراسة ولما اشوفة من اصحاب الشهادات شكد مقدرين من قبل هذا الوطن اللي جان عزيز وغالي !!
المهم جنت فرحان بنفسي وماجنت اتصور اكو مرحلة ثانية ممكن ان تكون افضل من اللي اني بيها من ناحية العمل .. وسنة بعد سنة واختلاط بالناس وبالمجتمع اللي جنت اختارهم اكتشفت نفسي متاخر عن بقية الناس .. وهنا حسيت نفسي مثل اللقطة اللي تصير بالفلم من واحد يعيط او يصيح وراسة مرفووع لي فووك والكامرا تبتعد عنة ..............
وكانما اكتشفت نفسي وحيد بالمكان او الفترة اللي اني بيها صارت احتياجات لامور مختلفة بالحياة اريد ابرز نفسي بيها واريد اثبت للناس اني ترة من اشتغلت حققت الشئ الفلاني لنفسي .. فكرت وفكرت اجتني فكرة ان اشتري سيارة .. سيارة اي نعم سيارة وهذي من الامور اللي جان بعد 30 سنة ماتخطر على بالي بس الحمد لله الوضع خلاني اكدر ان اشتري سيارة يجوز هذي وحدة من الاشياء الزينة اللي صارت بعد الاحتلال للاسف !! بديت ادور وبديت احاول وجمعت فلوسي واتداينت مبلغ جبير علمود اسد بي مبلغ السيارة طبعا جان المبلغ بوكتها جبير بالنسبة الي المهم وبعد محاولات ونزول الى سوق السيارات واخيرا اشتريت سيارة دايوو سلو جانت شي ولا اروع بحياتي ان املك شي خاص بية وجنت اعتبرها مملكتي الخاصة وجنت احبها اكثر من بيتنا لان جنت اكضي بيها شغلاتي وايامي طول اليوم من الروحة للشغل وللكلية والطلعات العصر حسيت بنفسي حققت شي مميز لنفسي واتميزت بي مرة ثانية وجنت من اوائل الاصدقاء اللي يجنون سيارة وتكون باسمهم فقط شي حلو كلش واحساس مايحس بي الا صاحبة ..
الدنيا مثل مانعرف ماتبقى على حال وحال الدنيا من المفروض دائما يتقدم واني هم جنت دائما احاول ان اتقدم بشتى الطرق حتى لو زحفا بس المهم جنت اتقدم ، جانت مرحلة السيارة الي مرحلة حلوة لذاتي ولشخصيتي واثبتت اشياء هواية لهواية نااااااااس جنت اتمنى يشوفون اللي حققتة ولو بالشي البسيط بس بعيني جان شي جبير وحلو ، استمريت على هذا الحال الى ان تخرجت من الكلية وتصورت نفسي اني متربع على قمة من النجاح بالعمل بالحياة وحتى بالدراسة بس عند التخرج ومن تصير نقلة جديدة بحياة الانسان او راح يبدي يعيش بقترة جديدة لازم يواجهها لان راح تبتدي فترة الحياة العملية فقط لان مجان يسمح الوقت اكثر بان نواصل الدراسة بي .. صار عندي احتكاك اكثر بالحياة العملية وشفت مرة ثانية العالم بشكل ثاني وشفت نفسي متاخر عن هواية ناس وتكررت نفس اللقطة بس هذي المرة ماجنت اصيح وانما جنت كاعد بسيارتي ودايس على الهووررن وهم الكامرا ابتعدت عني !!
دخلنا مرحلة ثالثة او خامسة او عاشرة وصار الوقت ممل وصار وقت فراغ جبير ممكن الواحد ان يكضي بشي نافع اله بالرغم من انه عشت بعدها فترة جانت حلوة كلش جنت اطلع بيها بين يوم ويوم وية اعز اصدقائي تالي صار الوضع مو زين واضطرينا ان نكون ببيوتنا اامن واحسن وحفاظا على سلامتنا هنا بديت بمرحلة ممكن ان استفيد واستغل الوقت اللي اني بي بديت ادور على شغل ثاني يخليني مو امشي وانما اهرول علمود الحك ببقية الناس اللي تركوني اني وسيارتي بهذي المرة .. حاولت وفكرت وقدمت وجانت مغريات العمل هواية ومميزة كلش .. كلت هية هذي الفرصة اللي راح تسوي نقلة بحياتي واللي هية دائما ادور عليها باي شكل قدمت لشركة الاتصالات ومجان احد يدري باموضوع بس اهلي وأحد الاشخاص مدااكدر ان اسمي لان شنو يكون وصفي اله مااكدر اجيبهه بمليون كلمة .. جان هذا الشخص يساندي ويعرف اخباري يوم بعد يوم ... قدمت وانقبلت بهذا المكان مابين ال العشرات العشرات من الاشخاص هنا بديت بمرحلة متميزة جدا جدا وهذا اللي جان الاحساس بنفسي على الرغم من انه جان مكان الشغل ساعاته طويلة اللي حرمتني حق نفسي وحرمتني حتى من الجلوس على طاولة طعام وحدة اني وااهلي او اصدقائي لان جان الشغل 9 ساعات وجنت ابات بمكان العمل يعني صحيح العمل متعب بس الفائدة اللي بي ماتتعوض بمكان ثاني .. كضيت بهذا المكان فترة كلش طويلة ومتعبة جانت وخطرة ومملة ومضحكة بكل فترة من الفترات بس اكثر الفترات تميزا واللي لحد الان اعيشها هية تواصلي مع الشخص المميز اللي جان اول المطلعين على هذا العمل بالرغم من انه جنت بعدني حتى ماشايف هذا الشخص !! بس جنت احس بي يحب ويريد الي الخير من خلال دعائة ولسانة الطيب جدا .. والحمد لله الاايام ثبتتلي وجود هذا الشخص الرائع وصار يساندني اكثر من نفسي حتى علمود اواصل حياتي ...
هذا المكان اللي اني بي حاليا متواصل بالعمل بي اكدر اكول بنيت بي شي لنفسي من خلال الفرتة اللي اشتغلت بيها واللي هية لخد الان من الشهر التاسع من السنة الماصية وتعلمت هواية اشياء بهذا المكان من طريقة التعامل والصبر وحب الناس والمشاركة وروح التضحية وغيرها من الصفات اللي اكتسبتها او اللي جانت موجودة عندي بس مجان الها مكان علمود استعملها بي ، طبعا مرة ثانية ارجع للاختلاط بمجتمع جديد راح يخليني اشوف هناك اكو فرص مختلفة بس شلون الواحد يكدر يحصلها وفرص تظاهي عشرات المرات المكان اللي تصورتة هوة هذا اللي راح يكون الي نقطة الحياة الجديدة اللي خلي اسميها ، هنا وصلت لحالة من الاستقرار بالتفكير لان شفت نفسي وصلت مرحلة حلوة واني بعمري هذا اللي بعدني مامتجاوز ال 25 سنة الاستقرار بالتفكير ضل مصاحب الي طيلة الاشهر الاولى لان جنت الشغلة جديدة ومميزاتها مامجربيها من قبل بس بعد مرور 11 شهر على هذي الشغلة اكيد الواحد راح يكتشف اقسام ثانية بالشركة او حتى اماكن ثانية للعمل يخص المجال او يخص الخبرة الشخصية ... حاليا اني امر بمرحلة شبه مستقرة لان مرات اكون كلش فرحان باللي وصلت اله واني جدا قانع وراضي بما قسم الله الي من حياة وصحبة ورزق والحمد لله ومرات احس بنفسي مكاني لازم يكون بمرحلة متقدمة اكثر واكو فرص للتقدم بس !! خطوة الوضع ماتسمح وهنا اكيد راح نكول المثل الشعبي اللي يكول اللي يشوف الموت يرضة بالصخونة !! خلينا على لصخونة الى ان تفك منا وترجع درجة حرارتنا الاعتيادية ... ومرات امر بحالات هم احس بنفسي متاخر عن المجتمع لما اشوفة من حولي ومااريدة ان احققة اللي دائما احلم بي واحلامي هواية كلش بس لحد الان بعدني ماصايح وبعدها الكامرا قريبة مني وشوكت راح اصيح واني بهدا المكان ماادري بس هنا اللقطة راح تكون اني وسيارتي وموبايلي !!
# posted by LionKing @ 5:45 am 
Comments:
<< Home
قريت البوست اكثر من مرة، وبكل مقطع اقراه تجي على بالي صورة الطريق الي نختاره لحياتنا ونمشي بيه، تكون كل خطوة بهذا الطريق الها اما سلبياتها او ايجابياتها، والها اوقاتها المتعبة والمفرحة ...والي ننساها بسرعة والي تبقى على البال، واكو خطوة والي هي فترة او مرحلة بحياتنا تمر بسرعة علينا او ممكن تمر ببطيء وتخلينا متاخرين، فتصير لقطة الكاميرا من تبتعد عنك وانت لوحدك وتبتعد عنك مرة ثانية وانت بسيارتك وبجوز تبتعد عنك وانت بالسيارة والموبايل موجود....يعني ايام حلوة وايام متعبة، يبقى الطموح موجود برغم كلشي وهو الي يخلينا نتسابق وية الوقت ووية نفسنا حتى نرضي طموحنا ونحقق احلامنا سواء جانت عملية او اجتماعية او مادية او اي شي ممكن يجي على بالنا ونريد نحصل عليه بجهد، وكلما نحقق شي من احلامنا او طموحنا بتعبنا راح يكون طعم الفرح احلى بحصولنا عليه وراح نعرف قيمة الشي وتقديره .
مرات طريقة الكتابة بصورة عفوية وتكتب الي يجي على بالك تكون احلى، ابقى اكتب الي يجي على بالك..راح تكدر توصل افكارك بصورة حلوة وقريبة للكل..واني منهم ؛)
حلوة كلش طريقة الكلام والوصف من ذكرت انشغالك بالعمل او اي شي يعجبك حتى تقضي الوقت وتستغله بشي يفيدك...الكلام هواية ومدا اعرف على شنو ابدي انطي رايي، ..اني هم مرات تجي عليه اوقات احس بنفسي مشغولة وما الكي الوقت لآي شي وبالي مو صافي ومن اركز شوية ما الكي شي مخليني مشغولة، بس الانسان بطبعه ممكن يصعب الامور على نفسه، وخاصة اني ما عندي اي مسؤوليات ولا شغل ولا التزامات، بس هي فترات..مراحل، تعدي علينا ونعيشها وتكون مميزة بالنسبة النا، اذا مرحلة دراستك مثلا..حسيت بيها شي مميز من صدك لان قليل من طلاب الكلية يدرسون ويشتغلون ويكونون معتمدين على نفسهم مثلك ...وروح التنافس والطموح الي خليته كدامك هو الي انطاك دافع انو كلما تتقدم خطوة للامام..تريد تجدد المشوار وتتقدم اكثر..
حسيت من قريت الموضوع، انت جنت متفائل، راضي عن الي سويته وحققته لحد الان، ووصلت نفسك الى مرحلة حلوة ومستقر بيها وبمستوى الطموح...اكدر اهنيك على هذا الشي واتمنالك الموفقية بحياتك وباي مجال، ولوما الجهد الي بذلته ما تكدر توصل اكثر...وبدون التعب الانسان ما يكدر يحقق اي شي من طموحه..
الاعتماد على نفسك شي حلو ومحترم جدا، وخاصة انت شاب وببداية حياتك، كدرت تثبت لنفسك ولاهلك ولاصدقائك انت كد المسؤولية وانسان ممكن يعتمدون عليه ويثبت وجوده باي مكان...وكل الي تسوي بحياتك سواء شي بسيط او شي عظيم فهو انعكاس لشخصيتك..وكلشي لحد الان ايجابي..
ايامنا حلوة والمفروض نستغلها بكل لحظة، بس اعرف كلش زين الوضع الامني والظروف هي اكبر عائق كدامنا وبطريقنا حاليا وهو السبب الوحيد الي ممكن يأخرنا عن باقي الناس، نبقى متفائلين رغم كل شي واكبر دليل اصرارنا على استمرار الحياة ودة نحاول نبقى عايشين على اسس معينة مثل شغل او دراسة او تواصلنا وية اهلنا واصدقائنا والحفاظ على علاقاتنا الاجتماعية والاستفادة من اي مرحلة نمر بيها، وبعدنا محتفظين بروح الشباب الحلوة والافكار المميزة الي كتبت هيجي بوست..
بعدك ببداية حياتك والمراحل الي ممكن تمر بيها اكثر وراح نكله بحياتنا الي يعجبنا والي ما يعجبنا من فترات ومراحل، لان هذي هي الحياة لازم اكو بيها الحلو والمر،ـ وبرغم كلشي ابقى محافظ على الاحساس الحلو الي لمسته بكلامك، والي خله للبوست فد صفة مميزة بينت مدى اعتزازك باللي حققته وتريد تحققه بحياتك ...ومشوار الالف ميل يبدأ بخطوة...والك مني سلام وتحية...
Post a Comment
مرات طريقة الكتابة بصورة عفوية وتكتب الي يجي على بالك تكون احلى، ابقى اكتب الي يجي على بالك..راح تكدر توصل افكارك بصورة حلوة وقريبة للكل..واني منهم ؛)
حلوة كلش طريقة الكلام والوصف من ذكرت انشغالك بالعمل او اي شي يعجبك حتى تقضي الوقت وتستغله بشي يفيدك...الكلام هواية ومدا اعرف على شنو ابدي انطي رايي، ..اني هم مرات تجي عليه اوقات احس بنفسي مشغولة وما الكي الوقت لآي شي وبالي مو صافي ومن اركز شوية ما الكي شي مخليني مشغولة، بس الانسان بطبعه ممكن يصعب الامور على نفسه، وخاصة اني ما عندي اي مسؤوليات ولا شغل ولا التزامات، بس هي فترات..مراحل، تعدي علينا ونعيشها وتكون مميزة بالنسبة النا، اذا مرحلة دراستك مثلا..حسيت بيها شي مميز من صدك لان قليل من طلاب الكلية يدرسون ويشتغلون ويكونون معتمدين على نفسهم مثلك ...وروح التنافس والطموح الي خليته كدامك هو الي انطاك دافع انو كلما تتقدم خطوة للامام..تريد تجدد المشوار وتتقدم اكثر..
حسيت من قريت الموضوع، انت جنت متفائل، راضي عن الي سويته وحققته لحد الان، ووصلت نفسك الى مرحلة حلوة ومستقر بيها وبمستوى الطموح...اكدر اهنيك على هذا الشي واتمنالك الموفقية بحياتك وباي مجال، ولوما الجهد الي بذلته ما تكدر توصل اكثر...وبدون التعب الانسان ما يكدر يحقق اي شي من طموحه..
الاعتماد على نفسك شي حلو ومحترم جدا، وخاصة انت شاب وببداية حياتك، كدرت تثبت لنفسك ولاهلك ولاصدقائك انت كد المسؤولية وانسان ممكن يعتمدون عليه ويثبت وجوده باي مكان...وكل الي تسوي بحياتك سواء شي بسيط او شي عظيم فهو انعكاس لشخصيتك..وكلشي لحد الان ايجابي..
ايامنا حلوة والمفروض نستغلها بكل لحظة، بس اعرف كلش زين الوضع الامني والظروف هي اكبر عائق كدامنا وبطريقنا حاليا وهو السبب الوحيد الي ممكن يأخرنا عن باقي الناس، نبقى متفائلين رغم كل شي واكبر دليل اصرارنا على استمرار الحياة ودة نحاول نبقى عايشين على اسس معينة مثل شغل او دراسة او تواصلنا وية اهلنا واصدقائنا والحفاظ على علاقاتنا الاجتماعية والاستفادة من اي مرحلة نمر بيها، وبعدنا محتفظين بروح الشباب الحلوة والافكار المميزة الي كتبت هيجي بوست..
بعدك ببداية حياتك والمراحل الي ممكن تمر بيها اكثر وراح نكله بحياتنا الي يعجبنا والي ما يعجبنا من فترات ومراحل، لان هذي هي الحياة لازم اكو بيها الحلو والمر،ـ وبرغم كلشي ابقى محافظ على الاحساس الحلو الي لمسته بكلامك، والي خله للبوست فد صفة مميزة بينت مدى اعتزازك باللي حققته وتريد تحققه بحياتك ...ومشوار الالف ميل يبدأ بخطوة...والك مني سلام وتحية...
<< Home
