Tuesday, October 24, 2006
HAPPY BIRTHDAY 2 ME !!
صباح الخير اليوم اكتب بشكل مختلف عن المرات السابقة لان اليوم راح اكتب لنفسي .. اليوم هوة 30 من رمضان وهوه اخر يوم من ايام الشهر المبارك اعاده الله علينا وعلى كل المسلمين بالخير واليوم هوه 22/10/2006 وهوه مو يوم تاريخي لاحد سوى لنفسي لان اليوم هوه يوم عيد ميلادي ، اليوم دخلت بال 25 سنة .. ايام عمرنا تمشي ونشوف بيها احداث مرة وحلوة بس من يمر الواحد على يوم ميلادة راح يتذكر اكثر من شي واحد اما راح يتذكر الواحد طفولتة وشلون جان صغير او يبدي يستعيد شريط ذكريات عمرة تدريجيا الى هذا اليوم او ان يوكف على هذا اليوم ويكول اني شنو اللي ممكن حققت الى هذي اللحظة طبعا الواحد لازم يذكر الاشياء اللي تعب بيها وشاف تعب ايام وليالي وسهر الى ان حصل ووصل اللي اعتبره طموحة الشخص اولا تخرجت من الكلية وعندي شهادة بكالوريوس لغة انكليزية وياها دبلوم فرنسي بس نص ونص الفرنسي !!
ثانيا حققت قاعدة من العلاقات الاجتماعية الرائعة جدا من خلال عملي بالمطبعة من 6 سنوات تقريبا وخبرة من خلال مجال العمل واني اشتغل ك مصمم طباعي بالاضافة الى عملي الثاني اللي التحقت بي من سنة من خلال مجال الاتصالات وشركة النقال
ثالثا حاولت ان اوصل الى جزء من كسب ضروريات الحياة بالوقت الحاضر بان املك سيارة وبفترة كصيرة كلش وخاصة بية ومن تعبي الشخصي جانت هذي السيارة من اروع ماحققت لنفسي خلال سنوات الكلية بالاضافة الى الاحتياجات الثانوية بالحياة اليومية
رابعا عندي علاقات باصدقاء ممكن ان يكونون موجودين كدامي وياية باي وقت وباي ثانية اني موجود بيها واحس جزء جبير من حياتي مسنود على هذي العلاقات اللي اعتز بيها بشكل موطبيعي
خامسا كل اللي ذكرت سابقا جانت اشياء تحققت بايام او بسنين تحقيقها جان فرحتة احس بيها انية وبوقتها راحت بس الشي الاخير اللي حققتة لنفسي ولمستقبلي هوه تعرفت على شخص فرحتي بمعرفتة عادلت كل الفرحات اللي ذكرتها قبل معرفتي بيه لان جان هوة الي فرحة الدنيا بامتلاكي كل شي بيها من خلالة .. احبة . واعزة ..واحترمة .. واتمنى اله الخير ، شوفتة عندي تعادل جوله حول العالم وسماع صوتة يغير علية شكل اليوم وكلمة منه تحول الابتسامة ضحكة والبكاء فرحة ... هذا هوه الشخص اللي افتخر بوجودة اليوم وباجر وبعده والعمر كله طالما موجود بحياتي، هوه اعز مااملك من الاشياء اللي احس بيها حققتها لنفسي الله يحفظة الي ويخلي الي
كل اللي ذكرتة جانت الي وقفة اليوم وقفتها على يوم ميلادي واستذكرت احداث قديمة واحداث جديدة .. اليوم تقريبا انتهى والنت ماديفتح لحد هسة واريد انزل البوست اليوم، اعيش حاليا بفترة جدية من التفكير فلهذا حتى اليوم وبيوم عيد ميلادي لازم اتعرض لموقف او لموضوع خله وضعيتي مابين مستغرب او ضايج او راضي بما مكتوب ان اشوفة .. الله يعين كل انسان يتعرض لموقف بحياتة الى ان يطلع من الموقف باللي يرضي نفسة ويفرحة .. اللهم امــــــــين .. وكل عام واني بخير !!
ثانيا حققت قاعدة من العلاقات الاجتماعية الرائعة جدا من خلال عملي بالمطبعة من 6 سنوات تقريبا وخبرة من خلال مجال العمل واني اشتغل ك مصمم طباعي بالاضافة الى عملي الثاني اللي التحقت بي من سنة من خلال مجال الاتصالات وشركة النقال
ثالثا حاولت ان اوصل الى جزء من كسب ضروريات الحياة بالوقت الحاضر بان املك سيارة وبفترة كصيرة كلش وخاصة بية ومن تعبي الشخصي جانت هذي السيارة من اروع ماحققت لنفسي خلال سنوات الكلية بالاضافة الى الاحتياجات الثانوية بالحياة اليومية
رابعا عندي علاقات باصدقاء ممكن ان يكونون موجودين كدامي وياية باي وقت وباي ثانية اني موجود بيها واحس جزء جبير من حياتي مسنود على هذي العلاقات اللي اعتز بيها بشكل موطبيعي
خامسا كل اللي ذكرت سابقا جانت اشياء تحققت بايام او بسنين تحقيقها جان فرحتة احس بيها انية وبوقتها راحت بس الشي الاخير اللي حققتة لنفسي ولمستقبلي هوه تعرفت على شخص فرحتي بمعرفتة عادلت كل الفرحات اللي ذكرتها قبل معرفتي بيه لان جان هوة الي فرحة الدنيا بامتلاكي كل شي بيها من خلالة .. احبة . واعزة ..واحترمة .. واتمنى اله الخير ، شوفتة عندي تعادل جوله حول العالم وسماع صوتة يغير علية شكل اليوم وكلمة منه تحول الابتسامة ضحكة والبكاء فرحة ... هذا هوه الشخص اللي افتخر بوجودة اليوم وباجر وبعده والعمر كله طالما موجود بحياتي، هوه اعز مااملك من الاشياء اللي احس بيها حققتها لنفسي الله يحفظة الي ويخلي الي
كل اللي ذكرتة جانت الي وقفة اليوم وقفتها على يوم ميلادي واستذكرت احداث قديمة واحداث جديدة .. اليوم تقريبا انتهى والنت ماديفتح لحد هسة واريد انزل البوست اليوم، اعيش حاليا بفترة جدية من التفكير فلهذا حتى اليوم وبيوم عيد ميلادي لازم اتعرض لموقف او لموضوع خله وضعيتي مابين مستغرب او ضايج او راضي بما مكتوب ان اشوفة .. الله يعين كل انسان يتعرض لموقف بحياتة الى ان يطلع من الموقف باللي يرضي نفسة ويفرحة .. اللهم امــــــــين .. وكل عام واني بخير !!
# posted by LionKing @ 8:20 am 
Comments:
<< Home
اولا: عيد ميلاد سعيد وكل عام وانت بالف خير، ان شاء الله العمر الطويل، وتحقق كل امنياتك وكل اللي تحلم بيه وية اهلك، وية نفسك، ووية الناس اللي تحبهم، ان شاء الله بالسنين الجاية من تكتب بوست بعيد ميلادك هم تستذكر المواقف الي ممكن تمر بيها واللي حققتها بالسنوات الي تمشي من عمرنا وترتسم الابتسامة عليك لجمال الشي الي حققه ولان ارضيت طموحك ووصلت للي تريده وتكون دائما راضي عن نفسك وبكل وقت.
ثانيا: العلاقات الي تحجي عنها انت الي ساهمت بنجاحها، لوما شخصيتك وصدق احساسك ووفائك وتقديرك لكل شخص باللي يستحقه ولرقي تفكيرك مجان صار عندك قاعدة اساسية من العلاقات الاجتماعية الناجحة، مثل ما ناجح بعملك ان شاء الله دائم تكون ناجح اجتماعيا، تثبت مبدائك واحترامك وية الكل وعلى الكل وبالتالي تكسب ثقتهم مثل ما اني وثقت بيك، وافتخر ان اكولها اني عندي ثقة بلايون كنك لان الناس الي يستحقون الثقة صاروا عملة نادرة..
امنياتي الك هواية، صار عمرك25 سنة وان شاء الله العمر كله، شباب دائم وراحة بال، ويخليك ويحفظك رب العالمين لكل الي يحبوك وتحبهم، وتحقق كل صغيرة وجبيرة بحياتك، من نجاح الى نجاح، وحب الى حب، واحلام وردية نتمناها ونحققها على ارض الواقع..
Happy bithday to you..
wish you all the best
from the bottom of my little heart
:)
Post a Comment
ثانيا: العلاقات الي تحجي عنها انت الي ساهمت بنجاحها، لوما شخصيتك وصدق احساسك ووفائك وتقديرك لكل شخص باللي يستحقه ولرقي تفكيرك مجان صار عندك قاعدة اساسية من العلاقات الاجتماعية الناجحة، مثل ما ناجح بعملك ان شاء الله دائم تكون ناجح اجتماعيا، تثبت مبدائك واحترامك وية الكل وعلى الكل وبالتالي تكسب ثقتهم مثل ما اني وثقت بيك، وافتخر ان اكولها اني عندي ثقة بلايون كنك لان الناس الي يستحقون الثقة صاروا عملة نادرة..
امنياتي الك هواية، صار عمرك25 سنة وان شاء الله العمر كله، شباب دائم وراحة بال، ويخليك ويحفظك رب العالمين لكل الي يحبوك وتحبهم، وتحقق كل صغيرة وجبيرة بحياتك، من نجاح الى نجاح، وحب الى حب، واحلام وردية نتمناها ونحققها على ارض الواقع..
Happy bithday to you..
wish you all the best
from the bottom of my little heart
:)
<< Home
