Monday, January 01, 2007
ــــــا GIFTS هدايـــ
حلو كلش ان يحصل الشخص على شي لم يكن في الحسبان او على البال الحصول علية، لهذا يكون طعم الحصول على شي مامحسب اله مسبقا مفرح جدا وعادة يسمى مفاجاة !! واكثر الناس تحب المفاجات واكيد المفرحة فقط. المفاجاه يجوز تكون خبر او تكون حدث معين او تكون رؤية شخص او تكون هدية ف اذا كانت هدية راح تكون من شخص قريب او شخص يحبنا ونحبة، حلو ان يحصل الواحد على هدية بمناسبة معينة او بوقت معين بالفعل تكون مفاجاة حلوة وخاصة اذا جانت من الشخص اللي نحب !! راح تضل عايشة ويانة طول عمرنا لان هية من شخص طبع اثر وجودة على حياتنا وبقى ويانة متواصل بكلمة ولقاء وعمر.اليوم 24/12/2006 حصلت على هدية بمناسبة رأس السنة واني ماماخذ هدية من قبل بمناسبة رأس السنة أكيد تصير هذي الهدية مفرحة كلش لقيمتها المعنوية ومن تكون بمناسبة حلوة وبوقت حلو تميزها مو بس بشكل الهدية ومحتواها المتميز جدا واللي عجبني بس الاحلى من نحس ونعرف منو هوه الشخص اللي منحني اياها لان اساسا اعتبر رب العالمين اهداني هذا الشخص هدية للعمر كلة ان شاء الله ، فشلون هية الهدية وتقدم هدية !! بس صدك شلون صارت اول فكرة الهدية وتطورت وصارت تقدم بمناسبة وبوقت وتتغلف وتمنح مع ابتسامة وكلمات !! عبالك احس بيها فد اسطورة لشي تكرر عبر قرون وشكد تترك اثر مفرح للشخص الممنوح للهدية !! الله الله عليك ... وشنو هذا التاثير النفسي المفرح المتواصل كلما شفت الهدية يمك !! الهدية اليوم جانت متكونة من 3 قطع داخل علبة حمرة حسيت كل جزء منها يحجي عن نفسة لساعات متواصلة ف الساعة راح تذكرني ولساعات بكل الوقت الحلو اللي كضيتة وياك واللي راح اكضي ببقية عمري .. والقلم هذا اوعدك بان اول ماراح يكتب راح يكتب كلمتين الكلمة الاولى احساس والثانية اسمك .. وحتى الميدالية اللي بيها بوصلة فما راح تشير دائما للشمال مثل مامعروف وانما راح دائما تشير الى الجهات الاربع لان انتي موجودة من كل جهه وياية ...فرحت بيك وفرحت بهديتك وفرحت بشوفتك .. وراح افرح بيك العمر كلة ... المشكلة النت مافاتح من شهر تقريبا .. ومااتصور اكدر اضيف شي على هذا البوست لان ماادري باي وقت تنطفي الكهرباء او النت يوكف ولو هسة اساسا وكف بس بعدني احاول ان افتح النت وانزل البوست هذا صح يجوز الكلام كصير بحق الموضوع بس هوة تدوين لحداث أحب أكوله وأحب أذكره ..
# posted by LionKing @ 1:40 am 
Comments:
<< Home
بالعافية عليك الهدية، واكيد تستاهلها، وجان كلش عاجبني يكون النت يمك سريع حتى تخلي الصورة واشوفها، على البوست، وبعدني انتظر اشوف الصورة :)
الهدية شي حلو، خاصة اذا من شخص معين، اني ما اعتبر محتوى الهدية هو الشي المهم بكد ما يعجبني تذكر الشخص واهتمامه بأن يهديني شي، اما اذا جانت الها محتوى مميز اكيد راح تكون الفرحة اكبر..
فرحني ان الهدية عجبتك، برغم بساطتها..
كلامك حلو كلش..ما اريد ازيد بالوصف حتى لا يكون كلامي رسمي..
يااا هدية :)
الهدية شي حلو، خاصة اذا من شخص معين، اني ما اعتبر محتوى الهدية هو الشي المهم بكد ما يعجبني تذكر الشخص واهتمامه بأن يهديني شي، اما اذا جانت الها محتوى مميز اكيد راح تكون الفرحة اكبر..
فرحني ان الهدية عجبتك، برغم بساطتها..
كلامك حلو كلش..ما اريد ازيد بالوصف حتى لا يكون كلامي رسمي..
يااا هدية :)
سيدي العزيز...تابعت مدونتك منذ نشأتها ،، انتظرت أن تكتب مقالاتك بفارغ الصبر وحاولت كثيرا أن أعلق على
بعضها ولكن الكلمات كانت تخونني دوما
اليوم لا اعلم مالذي دفعني لكي أعلق ولكن اشتقت كثيرا لكتابتك
لن أعلق على هذه المقالة بالتحديد ولكني سأعلق على المدونة ككل..
تعجبني روحك الطيبة المحبة دائما - لم يحصل لي شرف معرفتك- ولكن لمست ذلك في كتابتك ..وتعجبني طريقة نظرتك للامور نظرة غريبة ولكنها مفعمة بالحياة تشبه نظرتي كثيرا .. لا أطيل بالكلام فكتابتك لاتحتاج ان يعلق عليها بل يجب ان تقرأ وتقرأ فأرجو انك تواظب على الكتابة لأن هناك من ينتظر كتاباتك بفارغ الصبر
واسفة على تعبير البسيط فلست بكاتبة..تقبل تحياتي
بعضها ولكن الكلمات كانت تخونني دوما
اليوم لا اعلم مالذي دفعني لكي أعلق ولكن اشتقت كثيرا لكتابتك
لن أعلق على هذه المقالة بالتحديد ولكني سأعلق على المدونة ككل..
تعجبني روحك الطيبة المحبة دائما - لم يحصل لي شرف معرفتك- ولكن لمست ذلك في كتابتك ..وتعجبني طريقة نظرتك للامور نظرة غريبة ولكنها مفعمة بالحياة تشبه نظرتي كثيرا .. لا أطيل بالكلام فكتابتك لاتحتاج ان يعلق عليها بل يجب ان تقرأ وتقرأ فأرجو انك تواظب على الكتابة لأن هناك من ينتظر كتاباتك بفارغ الصبر
واسفة على تعبير البسيط فلست بكاتبة..تقبل تحياتي
Update is needed here!
Update is needed here!
Update is needed here!
Update is needed here!
Update is needed here!
Update is needed here!
Update is needed here!
:D
Update is needed here!
Update is needed here!
Update is needed here!
Update is needed here!
Update is needed here!
Update is needed here!
:D
بالبداية احب اشكرك جدا يا انجل سمايل على شهادتك تجاه مدونتي البسيطة جدا واشكر كلامك الرائع بحق كتاباتي وبحق المدونة ككل ...
اسف جدا بالفترة الحالية لا اتردد كثيرا على المدونة وذلك لانشغالي بالوقت الحالي بالاضافة الى شي ثاني يعيق الكتابة عندي كون الواجهه الرئيسية لصفحات المدونة تعرض بلغة غير الانكليزية ولو هو عذر بس صار التعامل وية القوائم بشكل مزعج اكثر ..
ان شاء الله تكون الايام القادمة بيها مواضيع جديدة وان شاء الله تروق للكل ..
وشكرا مرة ثانية
Post a Comment
اسف جدا بالفترة الحالية لا اتردد كثيرا على المدونة وذلك لانشغالي بالوقت الحالي بالاضافة الى شي ثاني يعيق الكتابة عندي كون الواجهه الرئيسية لصفحات المدونة تعرض بلغة غير الانكليزية ولو هو عذر بس صار التعامل وية القوائم بشكل مزعج اكثر ..
ان شاء الله تكون الايام القادمة بيها مواضيع جديدة وان شاء الله تروق للكل ..
وشكرا مرة ثانية
<< Home
