Sunday, April 29, 2007
!! تريد غزال اخذ أرنب .. تريد أرنب أخذ أرنب
السلام عليكم .. مرحبا .. هاي !!
شلونكم .. شلوني .. شلونة البلوك ... !!
اريد اسلم على الكل بالبداية حتى على البلوك لان صارلي مدة طويلة كلش واني ماكاتب شي ولا محشش على شي ابالي مااخفي واكول الافكار اللي جانت تجيني هواية طول الفترة اللي فاتت بس الوكت اللي جان يمنعني من ان اكتب .. بالاضافة الى الفترة انقطعت بيها عن ارض الوطن لـ 13 يوم رحت سفرة لسوريا وجنت اتمنى هم يصير الوقت علمود اكثب عن السفرة والطريق واخلي وياها صور .. ان شاء الله من اتفرغ راح اكتب عن السفرة وشلون جانت ..
... مر وقت طويل كلش واني مكاتب شي بالمدونة لاسباب أما الانشغال أو الانشغال أو الانشغال وشنو الفرق بين التلاثة بس اكيد اللي يعرفني يعرف شنو الفرق بين مراحل الانشغال واختبار الانشغال ابيش وبشنو .. طبعا هذي الطريقة بالاختيارات تذكرني بمثل احبة واللي اختاريت اله عنوان البوست هذا اللي اجه على بالي بسرعة لمن ردت اكتب اي شي علمود اثبت وجودي بالبلوك مالتي لان كمت احس بي راح تطلع بي عناكب وحتى عش مال عصافير راح يصير بي لان مهجور !! .. اي ارجع على اختياري للموضوع والفرق او الأخيارات الموجودة بالحياة ولو هوة شكل المثل شوية غريب يبن انه ماكو سبل للاختيار وانما هذا الاختيار اجباري ويجوز يكون اجبار بالقناعة او بالاكراه .. بس اكيد الاول احلى من الثاني لان بالاكراه تنعدم الحماسة للاختيار و و و و ..
اني موضوعي الاساسي هنا هوة الاختيار وشلون يكون .. وعلى طاري كلمة اختيار ترة الكلمة حلوة كلش وبيها هواية مدلولات ومعاني يعني مرات الواحد يخير بين اشياء اثنين ومرات الواحد يخير بين هواية اشياء وأروع الاختيارات من يكون الاختيار واحد وبس وهنا راح تتولد فد سلسلة من الاسئلة والمقارنات بس بالنهاية الاختيار هوة واحد وبس .. يعني من نخير بين طريقين ومنين نمر راح نعتمد بالدرجة الاولى على اللي سامعي من اللي مروا بهذا الطريق والشكل الثاني او الاعتماد الثاني هوه راح يكون حسب الفراسة والتجربة بالمرور من هذا الطريق مثل اللي يخير بنوع الاكلة اللي يريد ياكلها هوة لو متذوقها ويعرفها طيبة الطعم لو منطي وصف الها بالنهاية الواحد اكيد راح يكول رايه وأختيارة..
أرجع على الاختيار الواحد وهوة اللي هنا محور الكلام علية ممكن يكون صعب ورائع بنفس الوقت طبعا راح اعتمد على نظرتي الشخصية للامور مو راح اعتمد على الكلام بشكل عام يعني بين قوسين ماخذ الامور والاختيارات بالعقل مو بشكل طائش ، يعني اني من النوع من اريد اشتري ملابس على سبيل المثال وهذا ابسط مثال بالاختيارات اللي ممكن ان يتكرر بحياتنا بشكل متكرر يعني من اشوف شي حلو من البداية واعجب بي اختاره ويضل على بالي حتى اذا لكيت احلى منه بس الانطباع الاول اللي اخذتة على هذا الشي يخليني مقتنع بيها اكثر من اي شي ثاني حتى لو الكي شي احلى بعدها طبعا حتى لو لكيت شي بعدها حلو بعد قناعتي مستحيل تزول عن اختياري الاول وبعد محد يغير اختياري لو 100 واحد ، حلو الشخص لمن يصر على رأي بس على شرط مايكون هذا الرأي استبدادي وعلى صالح وخاطر غيرنا يجوز نحتاج مرات نجامل بس بالنهاية راينا باختياراتنا هوة اللي مقتنعين بي هذا الشي احسة مثل اثنين متفقين على اختيارات واحدة بيناتهم وتالي يظهر فد شخص او فد راي لا على البال وعلى الخاطر ويجوز مرات ما اله اي صلة حتى بس هوة رايه طلع بوقت مو مناسب ابدا هنا خرب اختياراتنا وضلت فد حسرة يجوز ندخل بيها طول العمر (يجوز طلعت عن الموضوع بس اجتي على بالي هيج فكرة تخص الاختيارت !! )
أختياراتنا للاشياء اللي تمر بحياتنا واللي تدخل لكلوبنا من المرة الأولى ومن نجربها ونعيشها وحدها بالفعل نحس بعد لا أكو قبلها ولابعدها وخاصة من تكون التجربة الاولى النا بيها والاختيار بيها مثل منكول (Pure) هذي الاختيارات اللي راح تسعدنا طول عمرنا .. يجوز بهاي اختياراتنا للاشياء أو حتى الاشخاص من نتعرف على اشخاص نكول بعد ماكو بعدهم ولا قبلهم احد يجوز ذوة الناس يكونون لفترة اختيارنا واختيارهم النا لفترة كصيرة حتى وان طالت .. ويجوز ينكتب النا هذا الاختيار طول العمر ااااه وهنا صدك شعور ولا أروع منه هذا الشعور اللي يتولد هنا هوة بسبب حصولنا على اشخاص او أشياء ماحصلة احد قبلنا طبعا الاختيارات هواية ممكن تكون يعني يجوز مادي ويجوز معني بس تدرون الاروع شنو من نختار الانسان اللي راح نعيش وياه .. بهاي اللحظة تاخذلك صفنة بينك وبين نفسك وتكول حيل اني شلون كطعت كل هذا العمر وحدي وشلون هسة وصلت الى قرار فردي بان اختار وأقرر .. صح الاحساس غريب مايدري الواحد مخلوط مابين الفرح والخوف والقلق من التجربة هذي من تكون للمرة الاولى .. بس طبيعة الانسان يحب ان يستكشف ويطلع ويجدد حياتة فـ هنا يتقدم وبخطوات ثابتة وبثقة من يكول اني اختاريت .. ويعيدها ويكول اني اختاريت .. ويعيدها .. علمود الكل يسمع وكل اللي حولة انه هوة اختار .. تجربة ويريد يعيشها مو لان يريد يقلد بيها وانما يريد ان يبدع بيها وان يجدد بيها وان تكون فريدة من نوعها .. طبعا الكلام بهذا المقام ماممكن ان يوفى لابأسطر قليلة ولا حتى بقصة ولا رواية ... بس الواحد ممكن ان يركز على الموضوع من خلال امثلة ومن خلال تجارب يعيش بيها وكتابتنا هية افكار مقروءة ممكن الواحد يستفيد منها من يمر بحدث او بمرور الوقت أو ممكن الواحد يوصل بيها او يفيد بيها الناس أو الاشخاص القريبين منه
طبع احس من راح اطول اكثر بالموضوع راح اطلع عنه وراح تصير بي امثلة هواية وبالتالي يصير ممل .. راح اترك الختيار بالتعليق لليدخل ويقرا هذا الموضوع وينطي رايه وفكرتة بالاختيارات بحياتة وكلنا نحب نستفيد .. الى هنا وراح انهي الموضوع وراح احب ان اقرا التعليقات لكل من يحب يعلق وماراح اختار أي من التعليقات لان راح اقراها كلها بس اكيد اركز على اقربها فكرة ...
شلونكم .. شلوني .. شلونة البلوك ... !!
اريد اسلم على الكل بالبداية حتى على البلوك لان صارلي مدة طويلة كلش واني ماكاتب شي ولا محشش على شي ابالي مااخفي واكول الافكار اللي جانت تجيني هواية طول الفترة اللي فاتت بس الوكت اللي جان يمنعني من ان اكتب .. بالاضافة الى الفترة انقطعت بيها عن ارض الوطن لـ 13 يوم رحت سفرة لسوريا وجنت اتمنى هم يصير الوقت علمود اكثب عن السفرة والطريق واخلي وياها صور .. ان شاء الله من اتفرغ راح اكتب عن السفرة وشلون جانت ..
... مر وقت طويل كلش واني مكاتب شي بالمدونة لاسباب أما الانشغال أو الانشغال أو الانشغال وشنو الفرق بين التلاثة بس اكيد اللي يعرفني يعرف شنو الفرق بين مراحل الانشغال واختبار الانشغال ابيش وبشنو .. طبعا هذي الطريقة بالاختيارات تذكرني بمثل احبة واللي اختاريت اله عنوان البوست هذا اللي اجه على بالي بسرعة لمن ردت اكتب اي شي علمود اثبت وجودي بالبلوك مالتي لان كمت احس بي راح تطلع بي عناكب وحتى عش مال عصافير راح يصير بي لان مهجور !! .. اي ارجع على اختياري للموضوع والفرق او الأخيارات الموجودة بالحياة ولو هوة شكل المثل شوية غريب يبن انه ماكو سبل للاختيار وانما هذا الاختيار اجباري ويجوز يكون اجبار بالقناعة او بالاكراه .. بس اكيد الاول احلى من الثاني لان بالاكراه تنعدم الحماسة للاختيار و و و و ..
اني موضوعي الاساسي هنا هوة الاختيار وشلون يكون .. وعلى طاري كلمة اختيار ترة الكلمة حلوة كلش وبيها هواية مدلولات ومعاني يعني مرات الواحد يخير بين اشياء اثنين ومرات الواحد يخير بين هواية اشياء وأروع الاختيارات من يكون الاختيار واحد وبس وهنا راح تتولد فد سلسلة من الاسئلة والمقارنات بس بالنهاية الاختيار هوة واحد وبس .. يعني من نخير بين طريقين ومنين نمر راح نعتمد بالدرجة الاولى على اللي سامعي من اللي مروا بهذا الطريق والشكل الثاني او الاعتماد الثاني هوه راح يكون حسب الفراسة والتجربة بالمرور من هذا الطريق مثل اللي يخير بنوع الاكلة اللي يريد ياكلها هوة لو متذوقها ويعرفها طيبة الطعم لو منطي وصف الها بالنهاية الواحد اكيد راح يكول رايه وأختيارة..
أرجع على الاختيار الواحد وهوة اللي هنا محور الكلام علية ممكن يكون صعب ورائع بنفس الوقت طبعا راح اعتمد على نظرتي الشخصية للامور مو راح اعتمد على الكلام بشكل عام يعني بين قوسين ماخذ الامور والاختيارات بالعقل مو بشكل طائش ، يعني اني من النوع من اريد اشتري ملابس على سبيل المثال وهذا ابسط مثال بالاختيارات اللي ممكن ان يتكرر بحياتنا بشكل متكرر يعني من اشوف شي حلو من البداية واعجب بي اختاره ويضل على بالي حتى اذا لكيت احلى منه بس الانطباع الاول اللي اخذتة على هذا الشي يخليني مقتنع بيها اكثر من اي شي ثاني حتى لو الكي شي احلى بعدها طبعا حتى لو لكيت شي بعدها حلو بعد قناعتي مستحيل تزول عن اختياري الاول وبعد محد يغير اختياري لو 100 واحد ، حلو الشخص لمن يصر على رأي بس على شرط مايكون هذا الرأي استبدادي وعلى صالح وخاطر غيرنا يجوز نحتاج مرات نجامل بس بالنهاية راينا باختياراتنا هوة اللي مقتنعين بي هذا الشي احسة مثل اثنين متفقين على اختيارات واحدة بيناتهم وتالي يظهر فد شخص او فد راي لا على البال وعلى الخاطر ويجوز مرات ما اله اي صلة حتى بس هوة رايه طلع بوقت مو مناسب ابدا هنا خرب اختياراتنا وضلت فد حسرة يجوز ندخل بيها طول العمر (يجوز طلعت عن الموضوع بس اجتي على بالي هيج فكرة تخص الاختيارت !! )
أختياراتنا للاشياء اللي تمر بحياتنا واللي تدخل لكلوبنا من المرة الأولى ومن نجربها ونعيشها وحدها بالفعل نحس بعد لا أكو قبلها ولابعدها وخاصة من تكون التجربة الاولى النا بيها والاختيار بيها مثل منكول (Pure) هذي الاختيارات اللي راح تسعدنا طول عمرنا .. يجوز بهاي اختياراتنا للاشياء أو حتى الاشخاص من نتعرف على اشخاص نكول بعد ماكو بعدهم ولا قبلهم احد يجوز ذوة الناس يكونون لفترة اختيارنا واختيارهم النا لفترة كصيرة حتى وان طالت .. ويجوز ينكتب النا هذا الاختيار طول العمر ااااه وهنا صدك شعور ولا أروع منه هذا الشعور اللي يتولد هنا هوة بسبب حصولنا على اشخاص او أشياء ماحصلة احد قبلنا طبعا الاختيارات هواية ممكن تكون يعني يجوز مادي ويجوز معني بس تدرون الاروع شنو من نختار الانسان اللي راح نعيش وياه .. بهاي اللحظة تاخذلك صفنة بينك وبين نفسك وتكول حيل اني شلون كطعت كل هذا العمر وحدي وشلون هسة وصلت الى قرار فردي بان اختار وأقرر .. صح الاحساس غريب مايدري الواحد مخلوط مابين الفرح والخوف والقلق من التجربة هذي من تكون للمرة الاولى .. بس طبيعة الانسان يحب ان يستكشف ويطلع ويجدد حياتة فـ هنا يتقدم وبخطوات ثابتة وبثقة من يكول اني اختاريت .. ويعيدها ويكول اني اختاريت .. ويعيدها .. علمود الكل يسمع وكل اللي حولة انه هوة اختار .. تجربة ويريد يعيشها مو لان يريد يقلد بيها وانما يريد ان يبدع بيها وان يجدد بيها وان تكون فريدة من نوعها .. طبعا الكلام بهذا المقام ماممكن ان يوفى لابأسطر قليلة ولا حتى بقصة ولا رواية ... بس الواحد ممكن ان يركز على الموضوع من خلال امثلة ومن خلال تجارب يعيش بيها وكتابتنا هية افكار مقروءة ممكن الواحد يستفيد منها من يمر بحدث او بمرور الوقت أو ممكن الواحد يوصل بيها او يفيد بيها الناس أو الاشخاص القريبين منه
طبع احس من راح اطول اكثر بالموضوع راح اطلع عنه وراح تصير بي امثلة هواية وبالتالي يصير ممل .. راح اترك الختيار بالتعليق لليدخل ويقرا هذا الموضوع وينطي رايه وفكرتة بالاختيارات بحياتة وكلنا نحب نستفيد .. الى هنا وراح انهي الموضوع وراح احب ان اقرا التعليقات لكل من يحب يعلق وماراح اختار أي من التعليقات لان راح اقراها كلها بس اكيد اركز على اقربها فكرة ...
# posted by LionKing @ 2:00 pm 
Comments:
<< Home
اولا: همزين شفنا بوست جديد منك مو تعبنا من الانتظار والله..
ثانيا: الحمدلله على السلامة وسفرة سعيدة ..ولو هاي الجملة كلتها بوكتها هعهعهعه
ثالثا، البوست حلو واحس هالمرة اسلوبك بي مختلف لان بكل بوست تكتب عن شي محدد بس هالمرة طريقة كلامك عامة وخاصة بنفس الوكت، عامة لان الاختيارات هواية بحياتنا وخصصت جزء لنفسك ورايك والسبب الي خلاك تكتب البوست الي هو اختيارك الفردي لشخص يكون الك ووياك طوول عمرك وهذي تعتبر تجربة شخصية وفردية لا قبلك ولا بعدك ممكن يخوضها وتكون نفس نتائج اختيارك، لان اختيارنا بهاي الطريقة شي منطقي ان يكون فردي، شي الي وبس محد يشاركني بي..
الاختيارات هواية، اتذكر من ظمن تجاربي اول ما دخلت الكلية وجنت اريد اعرف اسمي على اي قسم طلع، وطبعا طلع اسمي بقسم اني ما جنت رايدته، انقهرت وضجت كلش، بس من شفت الاجواء مال الكلية(هي لو جانت صدك حلوة او اني انبهرت بيها) المهم عجبتني وظل الانطباع الاول عن الكلية ببالي، وشكد حاولوا يقنعوني ان احول هذا الاختصاص او الكلية بس ما قبلت، لان اختاريت ان استمر بيها، مع العلم جانت عندي فرص هواية بأن احول على كليات ثانية وبالقسم الي يعجبني، والحمدلله هذا الاختيار جان تمام بالنسبة الي لان توفقت بي وجان تجربة حللوة كلش..
وعن هذا الاختيار صارت عندي تجارب ثانية خلتني اختار الصديقات الي اتعرف عليهم وهم جان اختياري حلو وما بي اي شي سلبي
بس اختيارنا للشخص الي نعيش وياه ونحبه ويكون مناسب النا واحنة مناسبين اله، يفمهنا ونفهمه، هذا شي صعب،من نفكر بي، نكول شلون ممكن نلتقي بهيجي انسان ويكون النا مثل ما نريد واحنة نكون اله مثل ما هو يريد..تجي التساؤلات على بالنا وتحيرنا الى ان يجي اليوم ونلاكي اجوبة على اسألتنا تخفي وتبعد كل الحيرة عنا من نكول بثقة وبشجاعة جملة "(اني اختاريت)" ..ساعتها الاحساس يكون متنوع، احساس بالخوف لان تجربة جديدة، مسؤولية، قناعة لازم الواحد ما يتراجع عنها ابدا..واحساس بالفرح لكونها تجربة جديدة مرة لخ، ولان الانسان حس بنفسه واثق من كل تصرفاته وواثق من الشخص الي اختاره بحيث ح يكون سعيد ومرتاح وياه، وفرح لان حياة جديدة بمشاركة انسان جنا ننتظر الدقايق تمر حتى تجمعنا وياه ونشوفه، لعد شلون لو نشوفه ويكون يمنا العمر كله؟؟
حجيت هواية اني، اخر شي..البوست رااااائع...
مافيسة
ثانيا: الحمدلله على السلامة وسفرة سعيدة ..ولو هاي الجملة كلتها بوكتها هعهعهعه
ثالثا، البوست حلو واحس هالمرة اسلوبك بي مختلف لان بكل بوست تكتب عن شي محدد بس هالمرة طريقة كلامك عامة وخاصة بنفس الوكت، عامة لان الاختيارات هواية بحياتنا وخصصت جزء لنفسك ورايك والسبب الي خلاك تكتب البوست الي هو اختيارك الفردي لشخص يكون الك ووياك طوول عمرك وهذي تعتبر تجربة شخصية وفردية لا قبلك ولا بعدك ممكن يخوضها وتكون نفس نتائج اختيارك، لان اختيارنا بهاي الطريقة شي منطقي ان يكون فردي، شي الي وبس محد يشاركني بي..
الاختيارات هواية، اتذكر من ظمن تجاربي اول ما دخلت الكلية وجنت اريد اعرف اسمي على اي قسم طلع، وطبعا طلع اسمي بقسم اني ما جنت رايدته، انقهرت وضجت كلش، بس من شفت الاجواء مال الكلية(هي لو جانت صدك حلوة او اني انبهرت بيها) المهم عجبتني وظل الانطباع الاول عن الكلية ببالي، وشكد حاولوا يقنعوني ان احول هذا الاختصاص او الكلية بس ما قبلت، لان اختاريت ان استمر بيها، مع العلم جانت عندي فرص هواية بأن احول على كليات ثانية وبالقسم الي يعجبني، والحمدلله هذا الاختيار جان تمام بالنسبة الي لان توفقت بي وجان تجربة حللوة كلش..
وعن هذا الاختيار صارت عندي تجارب ثانية خلتني اختار الصديقات الي اتعرف عليهم وهم جان اختياري حلو وما بي اي شي سلبي
بس اختيارنا للشخص الي نعيش وياه ونحبه ويكون مناسب النا واحنة مناسبين اله، يفمهنا ونفهمه، هذا شي صعب،من نفكر بي، نكول شلون ممكن نلتقي بهيجي انسان ويكون النا مثل ما نريد واحنة نكون اله مثل ما هو يريد..تجي التساؤلات على بالنا وتحيرنا الى ان يجي اليوم ونلاكي اجوبة على اسألتنا تخفي وتبعد كل الحيرة عنا من نكول بثقة وبشجاعة جملة "(اني اختاريت)" ..ساعتها الاحساس يكون متنوع، احساس بالخوف لان تجربة جديدة، مسؤولية، قناعة لازم الواحد ما يتراجع عنها ابدا..واحساس بالفرح لكونها تجربة جديدة مرة لخ، ولان الانسان حس بنفسه واثق من كل تصرفاته وواثق من الشخص الي اختاره بحيث ح يكون سعيد ومرتاح وياه، وفرح لان حياة جديدة بمشاركة انسان جنا ننتظر الدقايق تمر حتى تجمعنا وياه ونشوفه، لعد شلون لو نشوفه ويكون يمنا العمر كله؟؟
حجيت هواية اني، اخر شي..البوست رااااائع...
مافيسة
هلووووووووووو
طبعا الموضوع كلش حلو والفكره الي بي رائعه
ولو جان طويل شويه ومتشعب
لان الصراحه ما كدرت اكمله كله
فمراح اعرف اتواصل وياك بالافكار
بس كتبت كومنت لان حبيت احسسك ان اكو اهتمام بالكتابات الي انت تطرحه
يعني لو اني داخل وما كتبت رد
يمكن انت راح تضن ان بس ميشو الي قريت البوست مو؟؟؟؟؟
ما اعرف اذا وصلتلك الفكره؟ بس اتمنى تكون وصلت
اخوك
وادي الاسرار
طبعا الموضوع كلش حلو والفكره الي بي رائعه
ولو جان طويل شويه ومتشعب
لان الصراحه ما كدرت اكمله كله
فمراح اعرف اتواصل وياك بالافكار
بس كتبت كومنت لان حبيت احسسك ان اكو اهتمام بالكتابات الي انت تطرحه
يعني لو اني داخل وما كتبت رد
يمكن انت راح تضن ان بس ميشو الي قريت البوست مو؟؟؟؟؟
ما اعرف اذا وصلتلك الفكره؟ بس اتمنى تكون وصلت
اخوك
وادي الاسرار
ممممممم !! انتو هم تكولون امممممم ؟؟ عبالي بس اني !!
الاختيار ان شاء الله يكمل برجوعك النا بالخير ياموربيدووو ولو مااتمنى ان ترجعين بس هنا شوية داافكر بانانية ..
الاختيار ان شاء الله يكمل برجوعك النا بالخير ياموربيدووو ولو مااتمنى ان ترجعين بس هنا شوية داافكر بانانية ..
هلو , طبعا هسة قريت هذا البوست واعرف تعليقي متأخر بس حبيت اكول فد شي.
مهما كان الاختيار فهو شي مهم على الاقل بالنسبة للشخص الي رح يختار والشي الاهم هو ان صعوبة الاختيار تزيد كلما زادت اهمية الشي الي رح نختاره وتأثيره على حياتنا ومسيرتنا بكل المجالات...
الصراحة كتاباتك كلهة حلوة وتدل على شخصية حلوة ومتزنة
شكرا
يودا الي مشيب كبل اوانه
Post a Comment
مهما كان الاختيار فهو شي مهم على الاقل بالنسبة للشخص الي رح يختار والشي الاهم هو ان صعوبة الاختيار تزيد كلما زادت اهمية الشي الي رح نختاره وتأثيره على حياتنا ومسيرتنا بكل المجالات...
الصراحة كتاباتك كلهة حلوة وتدل على شخصية حلوة ومتزنة
شكرا
يودا الي مشيب كبل اوانه
<< Home
