Sunday, May 27, 2007

 

Positive Idea !!

صارلي من مدة طويلة واني داخل في دوامة من التفكير بالمستقبل والطموح واللي اريد احققة .. اكو كلمات بهذا البوست راح اخليها هية تساعدني بان افكر بشكل ايجابي اكثر وبعقلانية اكثر لان الوضع والحياة وهوستها ومشاكلها ومشاغلها مدتنطي الوقت الكافي للتفكير .. وبنفس الوقت صعبة نلتقي بالاشخاص اللي نريدان يشاركونا بالافكار والقرارات اللي نريد ان نسويها هسة او مستقبلا .. هذا المستقبل اللي نخطط اله ويجي عكس مانريد اون مانخطط اله ويجي على ما احنا جنا نريد حياة الانسان ممكن ان تكون صعبة او سهلة محد يعرف بينا شلون ممكن يكون مستقبلنا بس اكيد كل واحد راسم لمستقبلة او متخيل او من يتمنى ان شلون يكون مستقبلة تبقى كل هذي الامور وتحقيقها بفضل من رب العالمين بعد التوكل والدعاء والالتزام ...
المشكلة هذا الموضوع بساعة ماقريتة بالفعل ريحني وغير عندي هواية اشياء وجانت بالاسبوع اللي فات قريتة بالاضافة الى انه جانت عندي فكرة موسعة اكثر وتعليق اكثر اريد اكولة واكتبة قبل ان ابدي بالكلام اللي راح يكون بعد تعليقي وبسبب الكهرباء وانقطاع النت ماكدرت اكملة بالاسبوع اللي فات المهم مو ها الموضوع (بس داابرر لنفسي قلة التعليقات والكتابة !!)
الكلام اللي موجود بالبوست هذا مو بالضروري يكون احجي عن فترة قادمة اريد امر بيها او شكل حياة اريد اعيشة بس الموضوع من قريتة اول مرة هوة جان هيج ف ماحبيت امسح منة الشي اللي مايعجبني وابقي الشي اللي يعجبني لان اكدي اللي راح يدخل للبلوك مالتي كل واحد اله راي باللي راح يقراه ولو هية الكتابة مو تحقيق لرغبات الغير وانما هية محادثة او تفكير بصوت عالي بالواحد المقتنع والغير مقتنع بي شخصيا واكيد ماينطبق على الكل ولا على ضروف الكل ...
اني من نوع احب احجي بالمستقبل واني من نوع احب اتخيل هواية يعني يعجبني اعرف باجر شراح اسوي وشراح يصير الا ماقدر الله ان يصير ف احب احجي واتناقش بالامور الجدية واللي ممكن يصير بيها فد تشعب موضوعي واختلاف بوجهات النظر بحيث كل واحد يبدي راية باللي يكولة ..
طبعا اني حاير شنو ممكن اخلي عنوان لهذا الموضوع لان حتى دااحس الكلام اللي دااكتبة بس مجرد املاء فراغ بالبلوك بس والله مو بسببي ولا اكول انه ماعندي واهس بس احنا مفروضة علينا اشياء تمنعنا من ان نمارس ابسط حقوقنا يعني اني هسة من دااكتب دااكتب كلش بسرعة خوفا من انقطاع الكهرباء او من ابو النت لان احتمال هية اكو سيرفس بعد شوية ينكطع النت واضل حاير واضل الموضوع على نهاية الاسبوع يلله اكدر اكتب مرة ثانية ومنا الى الاجازة الجاية هذا البوست يكون واهسي بي رايح وبعد مااكتب شي مثل ماجان يصير قبل ف هسة دااجبر نفسي على الكتابة باي شكل ... اني حجيت هواية وتصورت نفسي راح اخلي فد مقدمة تليق بالموضوع اللي راح نقراه بس ماادري افكار ضاعت وطارت .. خلي نبدي نقرا واني وياكم لان حبيت هذا الكلام اللي مكتوب جوة !!

نحن نقنع انفسنا بان حياتنا ستصبح افضل بعد ان نتزوج، نستقبل طفلنا الاول، او طفلا اخر بعده ومن ثم نصاب بالاحباط لان اطفالنا مازالوا صغارا، ونؤمن بان الامور ستكون على مايرام بمجرد تقدم الاطفال بالسن ومن ثم نحبط مرة اخرى لان اطفالنا قد وصلوا فترة المراهقة الان، ونبدأ بالاعتقاد باننا سوف نرتاح فور انتهاء هذه الفترة من حياتهم ومن ثم نخبر انفسنا باننا سوف نكون في حال افضل عندما نحصل على سيارة جديدة، ورحلة سفر واخيرا ان نتقاعد الحقيقة انه لايوجد وقت للعيش بسعادة افضل من الان
فان لم يكن الان، فمتى اذن؟

هنا بالفعل عجبني اخر سطر من هذا الكلام يعني الواحد مرات بالفعل يشغل نفسة باشايء بالمستقبل ويخلي نفسة بحالة من الاحباط وتالي بتفكيرة هذا وبتضييعة للوقت يضيع على نفسة الوقت الحاضر وحتى يخلق من الجو اللي هوة بي فد جو مشحون بشي من الكابة والقلق والضوجة والنهاية اللي تكون البكاء !! ليش ؟؟ ليش اني اوصل نفسي الى هذي المرحلة وابدي اهدم حاضري بتفكيري السلبي على المستقل صح الواحد من الفروض يفكر بالمستقبل ويخطط اله بخطوات مدروسة بالوقت الحاضر الا الاشياء اللي مانكدر ان نتدخل بيها لان هية من اردة رب العالمين مهما كانت .. ف بالفعل ماكو افضل وقت للعيش افضل من الان خلي الواحد يعيش على كد الساعة اللي بيها وخلي بعدين يحقق هذي السعادة الخيالية العظيمة اللي يفكر بيها واكيد راح تتحقق اله بالتفكير الايجابي وابعدا التشاؤم والمعوقات .. يعني هسة نتفق خلي نعيش شوية للوقت اللي نعيش بي هسة مادام مالة علينا السعادة لان ترة طريق السعادة شوية صعب صار علينا بالوقت الحالي ف اني عن نفسي اتفق وية نفسي ان افكر وان امشي على هذي الفكرة ..

حياتنا مملوءة دوما بالتحديات، ولذلك فمن الافضل ان تقرر عيشها بسعادة اكبر على الرغم من كل التحديات
كان دائما يبدو بان الحياة الحقيقية هي على وشك ان تبدأ.ولكن في كل مرة كان هناك محنة يجب تجاوزها،
( وترة ماتغيم الا تصحي !! ) عقبة في الطريق يجب عبورها، عمل يجب انجازه، دين يجب دفعه، ووقت يجب صرفه، كي تبدأ الحياة
(حلوة من اسمع او اقرا هذي الكلمة كي تبدأ الحياة .. دائمايعجبني ان ابدا الحياة اني بكل فترة من فترات عمري من احقق شي لنفسي من قضاء دين او عمل انجزة او وقت امضي بشي او حتى بتعرفي على اشخاص مايغيبون من بالي واتمنى ان يعيشون وياية بقية العمر وهذا اللي اسعة اله خصوصا بهذا الوقت )
ولكني اخيرا بدأت افهم بان هذه الامور كانت هي الحياة.وجهة النظر هذه ساعدتني ان افهم لاحقا بانه لاوجود للطريق نحو السعادة الا السعادة هي بذاتها الطريق.ولذلك فاستمتع بكل لحظة.
لاتنتظر ان تنتهي المدرسة، كي تعود من المدرسة، ان يخف وزنك قليلا، ان تزيد وزنك قليلا، ان تبدأ عملك الجديد، ان تتزوج، ان تبلغ مساء الجمعة، او صباح الاحد، ان تحصل على سيارة جديدة، على اثاث جديدة، ان ياتي الربيع او الصيف او الخريف او الشتاء، او تحل بداية الشهر او منتصفه، ان يتم اذاعة اغنيتك على الراديو، ان تموت، ان تولد من جديد، كي تكون سعيدا.السعادة هي رحلة وليست محطة تصلها لاوقت افضل كي تكون سعيدا اكثر من الان . . . عش وتمتع باللحظة الحاضرة

هسة خلي نفكر ونجاوب على هذه الاسئلة:
1.ما اسماء الاشخاص الخمسة الاغنى في العالم؟
2.ما اسماء ملكات جمال العالم للسنين الخمس الماضية؟
3.ما اسماء حملة جائزة نوبل للسنين العشر الماضية؟
4.ما اسماء حملة اوسكار افضل ممثل للسنين العشر الماضية؟
لاتستطيع الاجابة؟ انها اسئلة صعبة اليس كذلك؟لاتخف، لا احد يتذكرهم جميعا.التهليل يموت ويختفي ويضمحل . . . الجوائز يسكنها الغبار . . . الفائزون يتم نسيانهم بعد فترة قصيرة

وهسة خلي نجاوب على هذه الاسئلة:
1. اعط اسماء ثلاثة اساتذة اثروا عليك في حياتك الدراسية.
2. اعط اسماء ثلاثة اصدقاء وقفوا معك في وقت شدتك.
3. فكر في بعض الاشخاص الذين جعلوك تفكر بانك شخص مميز.
4. اعط اسماء خمسة اشخاص يعجبك قضاء وقتك معهم.
هذه الاسئلة اسهل من تلك، اليس كذلك؟ الاشخاص الذين يعنون لك شيئا في الحياة، لا احد ينعتهم بانهم الافضل في العالم، ولم يفوزوا بالجوائز وليسوا من اغنى اغنياء العالم. هؤلاء هم الذين يهتمون لك، ويعتنون بك، ويتحدون الضروف للوقوف الى جانبك وقت الحاجة.فكر بهذا للحظة الحياة قصيرة جدا وانت، الى اي مجموعة من المجموعتين اعلاه تنتمي؟

انت لست من ضمن الاكثر شهرة في العالم، ولكنك احد الاشخاص الذين تذكرتهم عندما رغبت بكتابة هذا البلوك

"" في وقت مضى، كان هناك تسعة متسابقين، وكان كل المتسابقون معوقون جسديا او عقليا، وقفوا جميعا على خط البداية لسباق مئة متر ركض وانطلق مسدس بداية السباق، لم يستطع الكل الركض ولكن كلهم احبوا المشاركة فيه. واثناء الركض انزلق احد المشاركين، وتعرض لشقلبات متتالية قبل ان يبدأ بالبكاء على المضمار. فسمعه الثمانية الاخرون وهو يبكي فابطأوا من ركضهم وبدأوا ينظرون الى الوراء نحوه. وتوقفوا عن الركض وعادوا اليه ... عادوا كلهم جميعا اليه. فجلست بجنبه فتاة، وضمته نحوها وسألته: اتشعر الان بتحسن؟ فنهض الجميع ومشوا جنبا الى جنب كلهم الى خط النهاية معا ""
فقامت الجماهير الموجودة جميعا وهللت وصفقت لهم، ودام هذا التهليل والتصفيق طويلا....الاشخاص الذين شاهدوا هذا، مازالوا يتذكرونه ويقصونه. لماذا؟لاننا جميعنا نعلم في دواخل نفوسنا بان الحياة هي اكثر بكثير من مجرد ان نحقق الفوز لانفسنا.

بالفعل سعادة غيرنا مرات تكون اهم من سعادة نفسنا بنفسنا .. دائما احب ان احقق الفرح والعادة للاشخاص اللي تصعب عليهم ضرفهم ان يحققوها لانفسهم ، الشخص اللي كدامي واللي ادخل اله السعادة والفرح احس انه حققت فد شي لنفسي او حجزت لنفسي فد موقف راح احتاج شخص يوكفلي بي مستقبلا واكيد راح يظهر الي هذا الشخص بيوم اللي اكون محتاج احد يكون بجانبي او يحقق الي الفرح والسعادة ... بالفعل الواحد لازم يكرر داخل نفسة وذاتة من يكول الفوز والسعادة مو هية لنفسنا وبس اكو ناس تستحقها اكثر واكو ناس ممكن ان نكون سبب في سعادتهم وهنا راح تكون اروع واحلى الامر الاكثر اهمية في هذه الحياة هي ان نساعد الاخرين على النجاح والفوز، حتى لو كان هذا معناه ان نبطئ وننظر الى الخلف ونغير اتجاه سباقنا نحن.

"" الشمعة لاتخسر شيئا اذا ما تم استخدامها لاشعال شمعة اخرى ""

بصراحة اني بهذا البوست ممكن اكون دخلت السعادة لقلب غيري او لشخص جان يحتاج من ان ينصحه بس بشكل غير مباشر بس تبقى كتاباتي بهذا البلوك اريد ان اوصل بيها فد فكرة وكلام وحدث معين لناس ممكن ان يكونون همة اصحاب الفضل بادخال الساعة المتواصلة داخل كلبي وعقلي ... اني حبيت هذا البوست بالرغم من انه اللي كتبة بي مو هواية بس جنت اتمنى اكول هذا البوست يحجي عن افكار تدور على بالي يجوز جان كتبتها في يوم بس ماراح توصل للفكرة اللي انكتبت بهذا البوست.. اكيد اكو بعد افكار وافكار على بالي تتغير بشكل ايجابي هسة او مستقبلا بمساعدة نفسي او مساعدة ناس موجودين بحياتي بس لازم نخلي وقتنا لحاضر عبارة عن افكار ايجابية لمستقبلنا ...

Comments:
- معاناه من أجل الدخول ووضع تعليقي البسيط -

السلام عليكم! مره اخرى تبهرني كتاباتك وتشدني لأعلق عليها رغم الجو الخانق الذي اعيش فيه .. ربما لأن هذا الموضوع يهمني كثيرا في الوقت الحالي بما إني في مرحلة انتقالية وفي مرحلتي الأولى نحو مستقبلي الجديد..

تفكيري في هذه الأيام كله يتمحور حول هذا المستقبل المجهول الذي لطالما رسمت مخططاتي لأجعله أفضل مايكون..ولكن تجري الرياح بما لاتشتهي السفن كما هي عادة الأمور..
سنة كاملة من عمري لم أول اهتماما بنفسي فقط بالنجاح الذي أسعى اليه ولكني الان في الأيام الأخيرة أدرك ان كل مافعلته ربما قد لايكون له الأثر الذي توقعته وان حلمي بأن أصبح صحفية ربما يتلاشى كباقي أحلامي..
ما أريد أن اقوله هنا أني طوال الفترة الماضية ورغم كل التعب الذي بذلته أشعر بشئ من اللذة .. لذه الجهد الذي تبذله والذي يخلد اسمك في مكان انت مغادره.. ربما لم أحقق ما أريده الان ولكني حققت مايريده الجميع ، أسعدت أسرتي ، أساتذتي -بكل هذا الجهد!
سيدي العزيز بعد قراءتي لموضوعك شعرت حقا بمشاعر غريبة وأدركت أمورا لم أدركها من قبل ..
اسفة لأن أفكاري متشتته وربما تعليقي أيضا .. ولكنك حقا أدخلت في نفسي السرور اليوم ! ودفعتني لأكمل الشئ الذي بدأته - بسعادة هذه المره وبكل سرور- وأسعى نحو حلمي ولو كان بعيد المنال..
شكرا لك!!! وأرجو أن تتحسن أوضاع الكهربا والنت لديك لتمتعنا بكتاباتك الرائعة..
 
اول شي وقبل كل شي..عاش من قرأ مواضيعك الجديدة، اي ارجع مثل ما جنت

وتفنن بكتابة البوست واتفلسف على طريقتك الخاصة وبهذا الشكل الحلو..

الموضوع بي معنى مهم ومميز وحلو وخلاني اتفائل بشكل خيالي واكثر من ما تصورته،

اثر الكلام بية وعلى تفكيري كلش وكلما احس اكو فكرة تشاؤمية او غيمة على راسي

تريد تمطر كأبة ، اتذكر هذا البوست وتروح الغيمة وما تمطر علية..

التوكل على الله وايماننا بي هو الي يخلينا نستمر على افكارنا الايجابية، ونكول الله

موجود وشنو يجي من رب العالمين خير النا ان شاء الله والاهم بيها نية الانسان بعمل

شي معين ويسعى ان يحققه بكل ما عنده من قوة ويريد ان يوصل اله بس يخاف من

الصعوبات، خوفنا من الصعوبات الي ممكن تعيق حصولنا او وصولنا الى الشي الي نريده

وتمسكنا بالشي نفسه وحب التملك الي متوجه اله هو الي يخلينا نفكر انو شلون ممكن

المسقبل يكون وشنو ضام النا..واخاف يصير عكس الي اريده، وعكس كل ما خططت

اله..
فبرأيي، مو قلة ايمان برب العالمين ممكن تخليني اعيش بدوامة بسبب تفكيري السلبي

لآحداث ممكن تصيرلي بالمستقبل عكس ما اتمنى، بس حبي لأهدافي او حتى لو هدف

واحد او امنية وحدة من امنياتي، حبي الها وتمسكي بيها وخوفي من ان اخسرها واخسر

الامل الي عشت بيه ومعيشني بحاضري هو الي يخليني اخاف من المسقبل وافكر..اني

شلون اعيش بدون ما اكون على ما اني اريده..؟؟ شلون اعيش بدون ما الكي نفسي

بالمكان ووية الاشخاص الي تمنيتهم؟؟ شلون ممكن نفهم ناس ويفهمونا من بعد ما دخلت

علاقاتنا وية اقرب الناس النا بمرحلة مستحيل شخص ثاني يوصلها...وهواية هواية

تصورات اكدر اخليها هسة سواء بصورة عامة او خاصة..

الجزء الاول من الموضوع، واللي يخص الارتباط، صح اذا يبقى الواحد يخاف ويخاف

ويخاف ما راح يكدر يتقدم خطوة وحدة، اكو منهم حتى يخافون من فكرة الزواج..بس

شلون ممكن يتحملون كل مسؤوليته ووية وجود اطفال وكبر مسؤولياتهم..اني ادري

الخوف ما راح ينفع ولازم ولو بمرة وحدة بحياة الانسان ان يتخذ قرار جريء وصعب

بنفس الوكت ويتقدم خطوة بالطريق الي هو بي او يختار طريق ثاني جديد ومختلف..

حياتنا كلها راح تكون تجارب بتجارب وخوف بكل ناحية منها، حتى خطوتنا الاولى

المترددة بأول يوم من الدوام بالمدرسة..وبعدها خوفنا من النتائج النهائية للامتحانات بكل

سنة وبعدين خوفنا من اول لقاء النا وية ناس غرباء عنا وبمجتمع مختلف مثل العمل او

الكلية...كله خوف خوف..

نخلي كلشي على الله، ونجرب وننتظر ونتفائل، وندعي بأن نلكى الخير بطريقنا على

شرط ان نكون زارعين الخير النا ولغيرنا..حتى نكسب المثل..

فخلينا نواجه اي لحظة بتفائل وبدون خوف..ونعيش اللحظة و نتمتع بحلاوتها..

صح فكرتك حلوة وكتبابتك لهيجي موضوع احلى واجتي بوكتها، ما المفروض ان نفكر

بأحداث مستقبلية ما نكدر ان نخير مجراها لان هي بيد رب العالمين بس ممكن اتحكم

ولو بشي من مستقبلي..ك مجال عمل او دراسة او وضع نفسي...بس قدر..لا

..مستحيل..
المشكلة الانسان بطبعة فضولي..ومن ايام الفلاسفة اليونانيين همة يبحثون عن الحقيقة

ولحد الان...لازم تكون بينا ولو جزء صغير من هاي الصفة بس نحاول نبعدها..

بأيماننا بألله..

كلبك طيب لايون كنك، ما شفت شخص بطيبة كلبك لدرجة ترضى ان تدخل السعادة

لشخص وتساعدة حتى لو على حساب نفسك او ممكن ان تكون مساعدتك لهذا الشخص

سبب بتأخيرك عن وصلك للهدف المرجو..يا طيبة كلبك..

انت عالم كامل لشخص واحد، يعرف قيمتك ويقدرك ويفهمك، ويعرف شلون يدخل لقلبك الراحة والامان والاطمئنان، يعرف شلون يشيل الهم عنك، بالمقابل يحتاجك ان تكون قريب اله، تفهمه وتسمعه وتداريه...هذي الصفة احلى من ان تكون شخص واحد لكل العالم..
 
angel smille...

لماذا لا تبادرين بالكتابة حتى نقرأ مواضيعك وافكارك وتشاركينا معك...؟؟
 
Well my friend(If you allow me to call you my friend?!!) it seems that Micho didn't leave any thing to others to say about this post or the meaning that is inside, but, you can not know what's in your way unless you walk it, right?

and remember, every thing or deed contains it's reward inside itself.
don't fear to try, because old Yoda said:“Fear is the path to the dark side. Fear leads to anger. Anger leads to hate. Hate leads to suffering.”

an old wise man said:" Be confident in yourself , because every heart flaps for this iron sinew"

Thank you

Old Jedi Master Yoda
 
Post a Comment



<< Home

This page is powered by Blogger. Isn't yours?